Max Steen
Max Steen (* 18. Juni 1898 in Büdelsdörp; † 6. Juni 1997) weer een düütschen Schoolmeester un Heimatforscher.
Steen is in Büdelsdörp upwussen. Na School güng he na ’t Lehrerseminar in Rendsborg. 1920 kreeg he en Stee in Pansdörp, un keem 1929 na Rensfeld wo he bet to sien Pension 1964 Schoolmeester weer, siet 1948 harr he dor og dat Leet vun de School.
Em leeg de Geschicht vun sien Heimat un de Pleeg vun de Nedderdüütsche Spraak an Harten, un he sett sik för de Förderung vun dat Nedderdüütsche in. Steen schreev Böker mit nedderdüütschen Geschichten un Vertellen un Warken to de Heimatgeschichte. He hett og to’n Upbu vun ’t Heimatmuseum vun Bad Swartau en groten Deel bidragen.
Ehrungen
ännern- 18. Juni 1978: Ehrenteller vun de Stadt Swartau
- 12. Juni 1981: Schleswig-Holstein-Medaille för hervorragende Verdienste um die Heimat
- 18. Juni 1983: Ehrenbürgerschaft vun de Stadt Swartau, an sien 85. Geburtsdag
Na em is de Max-Steen-Weg in Rensfeld, en Deel vun Swartau, nöömt.
Warken (Utwahl)
ännern- Dat letzt Jaar. Hamborg-Itzehoe 1939
- Vun Polskaland bet Flandern. Lübeck 1942
- As de Minsch Minsch wor. Hamborg 1972
- Bad Schwartau - Aus Vorzeit und Gegenwart. Lübeck 1973
- Alt Schwartau - Geschichte und Geschichten. Lübeck 1976