Michael Warren Young
Michael Warren Young (* 28. März 1949 in Miami, Florida) is en US-amerikaansch Chronobioloog un Perfesser an de Rockefeller University in New York City. 2017 wurr hüm gemeensam mit Jeffrey Connor Hall un Michael Morris Rosbash de Nobelpries för Physiologie oder Medizin tospraaken.
Leven ännern
Young is in Miami un de Umgegend vun Miami upwussen. All as Kind hett he suck för biologische Phänomene vun de zirkadianen Rhythmik – exotisch Blüten de nachts apen gaht un Vagels un Insekten, de biologische Klocken bi de rüümlich Orienteeren to Hülp nehmen, interesseert. Young hett 1971 sien Biologiestudium an de University of Texas at Austin mit en Bachelor afslooten un hett dor 1975 bi Burke Judd sien Doktertitel (Ph.D.) in Genetik maakt. As Postdoktorand hett he bi David Swenson Hogness an de Stanford School of Medicine arbeit, wo he mit molekulargenetischen Methoden transponible DNA-Elemente ünnersöken dee. 1978 wurr he Assistant Professor an de Rockefeller University in New York City, 1984 ok dor Associate Professor un 1988 ordentlich Perfesser.[1] Young is hüüd (Stand 2017) wiederhen as Perfesser an de Rockefeller University tätig un dor ok Vice President for Academic Affairs.[2]
Wirken ännern
Young hörrt to de Vörrieder vun de Erforschung vun de Molekularbiologie un de Genetik vun biologisch Rhythmen un forscht an de Betrecken tüschen Genen un Verhollen. Sien Arbeitsgrupp gelung de Identifizeeren vun tallriek Gene un Proteine, de an de zirkadiane Rhythmik bi Drosophila melanogaster bedeeligt sünd, dorünner period, timeless, double-time, clock, cycle un shaggy. As Mechanismus wurr en negative Rückkopplung vun de Transkriptschoon vörslahn. De Prinzipien laaten sück dorbi up höhgere Organismen un Söögdeerter överdragen. Neeere Arbeiten vun Young befaaten sück mit molekularen Störungen vun de biologisch Klock, de to Slaapstörungen führen. De Chronotherapie gellt as potentielle Anwennen vun de Forschungsergevnisse bi den Minschen.[1][3] Van 1987 bit 1996 forsch he tosätzlich för dat Howard Hughes Medical Institute (HHMI).[4]
Utteknungen (Utwahl) ännern
- 2007: Liddmaat National Academy of Sciences
- 2009: Gruber-Pries för Neurowetenschapen (mit Jeffrey Connor Hall un Michael Morris Rosbash)[5]
- 2011: Louisa-Gross-Horwitz-Pries (mit Jeffrey Connor Hall un Michael Morris Rosbash)[6]
- 2012: Canada Gairdner International Award (mit Jeffrey C. Hall und Michael Rosbash)[7]
- 2012: Massry-Pries (mit Jeffrey C. Hall un Michael Rosbash)
- 2013: Wiley Prize in Biomedical Sciences (mit Jeffrey C. Hall un Michael Rosbash)
- 2013: Shaw Prize in Medizin (mit Jeffrey C. Hall un Michael Rosbash)
- 2017: Nobelpries för Physiologie oder Medizin (mit Jeffrey Connor Hall un Michael Morris Rosbash)
Literatur ännern
- Who’s Who in America. 66. Utgaav, Band 2: M–Z. Marquis Who’s Who, Berkeley Heights 2011, ISBN 978-0-8379-7032-5 (Band 2), ISBN 978-0-8379-7035-6 (Gesamtwark), ISSN 0083-9396, S. 4905
Weblenken ännern
Michael Warren Young. Mehr Biller, Videos oder Audiodateien to’t Thema gifft dat bi Wikimedia Commons.
- Laboratory of Genetics: Michael W. Young bi de Rockefeller University (rockefeller.edu); afropen an’ 1. Oktober 2011
Enkeld Nahwiesen ännern
- ↑ a b Michael W. Young Biography bi gruberprizes.org; afropen an‘ 1. Oktober 2011
- ↑ Michael W. Young - Our Scientists; Our Scientists [1] afropen an’ 2. Oktober 2017
- ↑ Wichael W. Young – Laureate Profile bi gruberprizes.org; afropen an‘ 1. Oktober 2011
- ↑ Heads of Laboratories: Michael W. Young, Ph.D. bi de Rockefeller University (rockefeller.edu); afropen an‘ 1. Oktober 2011
- ↑ 2009 Gruber Neuroscience Prize bi gruberprizes.org; afropen an‘ 1. Oktober 2011
- ↑ Louisa Gross Horwitz Prize - 2011 bi de Columbia University (columbia.edu); afropen an‘ 1. Oktober 2011
- ↑ Michael W. Young PhD bei der Gairdner Foundation (gairdner.org); afropen an‘ 7. August 2012