Michail Wladislawowitsch Tjurin

Michail Wladislawowitsch „Mischa“ Tjurin (russisch:Михаил Владиславович Тюрин}}, wetenschaplich Transliteratschoon Michail Vladislavovič Tjurin; * 2. März 1960 in Kolomna, Russische SFSR) is en russisch Kosmonaut.

Offiziell Foto

Tjurin hett 1984 sien Afsluss as Floogtüügmechaniker mit en Ingenieursdiplom an dat Staatlich Luftfohrtinstitut in Moskau maakt, wo he sück up dat Upstellen vun mathematisch Modellen spezialiseert harr. De russisch Ruumfohrtkonzern RKK Energija hett hüm ansluutend as Ingenieur in‘ Beriek vun de Kosmonautenutbillen beschäftigt. Dor weer he dormit beupdraagt, dat Training bi Aflööp in dat Sojus-Ruumschipp effizienter to gestalten. Dorneben hett he an Computerprogrammen arbeit.

Kosmonautentätigkeit ännern

In‘ April 1994 wurr Tjurin för dat Kosmonautenkorps utwählt. De nächsten dree Johr hett he in dat „Sternenstädtchen“ de Grundutbillen dorloopen un wurr denn för sien eersten Ruumfloog upstell: af Sömmer 1997 traineer he as Bordingenieur för de Ersatzmannschap vun de Expeditschoon 1 up de Internatschonale Ruumstatschoon (ISS) un ansluutend für de Mannschap vun de övernächste Langtietcrew.

Gemeensam mit Frank Culbertson un Wladimir Deschurow bill Tjurin de ISS-Expeditschoon 3, de in‘ August 2001 to de Ruumstatschoon start is. As Tobringer deen de Space-Shuttle-Mission STS-105 ünner dat Kommando von Scott Lee Horowitz, Pilot Frederick Wilford Sturckow un den Missionsspezialisten Daniel Thomas Barry un Patrick Graham Forrester, de bi hör Rückfloog de aflöst ISS-Expeditschoon 2 (Juri Ussatschow, Susan Helms un James Voss) torüch to de Eer broch. Culbertson, Tjurin un Deschurow hemm veer Maand up de ISS arbeit un wurrn mit STS-108 weer afhaalt.

Af Dezember 2003 hett Tjurin sück för künftige Langtietmannschapen vun de Ruumstatschoon vörbereit. Tonächst in de „tweet Reeg“ as Liddmaat vun Ersatzcrews (Kommandant vun ISS-Expeditschoon 11, Bordingenieur vun ISS-Expeditschoon 12) nomineert, wurr he sluutend för de Hööftmannschap vun de 14. Stammbesatten utwählt.

Tjurin weer Bordingenieur vun de ISS-Expeditschoon 14, de an‘ 18. September 2006 mit Sojus TMA-9 start is un an‘ 21. April 2007 lannen dee. Kommandant bit dit Ünnernehmen weer Michael López-Alegría, dorto keem Thomas Reiter ut Düütschland, de nahderhen as plaant dör Sunita Williams aflööst wurr.

To sien darten Ruumfloog is he an‘ 7. November 2013 as Kommandant vun Sojus TMA-11M tosommen mit Richard Alan Mastracchio un den Japaner Kōichi Wakata start. As Liddmaat vun de ISS-Expeditschonen 38 (gemeensam mit sien Crew un Oleg Walerjewitsch Kotow, Sergei Nikolajewitsch Rjasanski un Michael Scott Hopkins) un 39 (sien Crew un Alexander Alexandrowitsch Skworzow, Oleg Germanowitsch Artemjew un Steven Ray Swanson) hett he vun November 2013 bit Mai 2014 as Bordingenieur up de ISS arbeit.

An’n 18. Januar 2016 hett he sien aktiv Kosmonauten-Loopbahn afslooten. Insgesamt hett he över 532 Daag in’n Weltruum verbrocht.

Weblenken ännern

  Michail Tjurin. Mehr Biller, Videos oder Audiodateien to’t Thema gifft dat bi Wikimedia Commons.