Micky Maus

Micky Maus is de hoochdüütsche Naam vun de Comic- un Tekentrickfigur „Mickey Mouse“, de de amerikaansche Trickfilmer Walt Disney sik utdacht hett.

De Filmfigur

Den ersten Uptritt in’t Kino hett de Muus an’n 18. November 1928 in den Kortfilm „Steamboat Willie“ hefft. De Film was een vun de eersten Filmen mit Toon un Musik. Disney hett de Figur tohope mit sien Chefteekner Ubbe Iwerks entwickelt und hett ok süms de Stimme insnackt.

De Figur was in de folgende Johrn bannig spoodriek un geev Walt Disney de Schangs ümmer mehr un betere Tekentrickfilms to maken. Mit de Tiet kömen ümmer niege Figuren dato: Donald Duck, Goofy un Pluto wassen bole net so populär as Mickey süms. Vondaag is de Figur ümmer noch een vun de bekanntesten Figuren up de Welt un dat Symbol vun den Walt-Disney-Konzern.

Comics

An’n 13. Januar 1930, kööm de eerste Büllergeschicht (engelsch: Comic) mit Micky Maus in de Zeitungen vun Amerika rut. In Düütschland kennt de meeste Lüüd de „lustigen Taschenbücher“ mit de Figuren vun Walt Disney.

Bökers

• Wolfgang J. Fuchs: Micky-Maus: Das ist mein Leben. (hoochdüütsch vun Wolfgang J. Fuchs.) Unipart-Verlag, Stuttgart 1988, ISBN 3-8122-3086-0

Weblinken

• Een langen Text över Micky Maus (hoochdüütsch)