Middelsten Jager

(wiederwiest vun Middelste Jager)

De Middelste Jager (Stercorarius pomarinus) is en Seevagel ut de Familie vun de Schietjagers (Stercorariidae).

Middelsten Jager
Middelsten Jager Stercorarius pomarinus
Systematik
Klass: Vagels (Aves)
Ornen: Tüütvagels (Charadriiformes)
Familie: Schietjagers (Stercorariidae)
Geslecht: Stercorarius
Wetenschoplich Naam
Stercorarius pomarinus
(Temminck, 1815)
Eier von’n Middelsten Jager

Kennteken ännern

De Middelste Jager warrt over’t Lief 42–50 cm groot. Siene Figur is stebig. He hett swatte Been. Dat gifft twee Farven, de bi em vorkaamt, en dunkere un en helle Variante. De Snavel is wat geelbruun.

Bröden ännern

De Nester weert up’e Eer boot, meist up en lüttjen Hövel. Twee bit dree Eier weert leggt. De Middelste Jager brott in lüttje Kolonien. Wie groot de sünd, hangt dor faken vun af, wie veel dat to Freten gifft. Vertehren deit de Jager sunnerlich Lemminge.

Wo he vorkamen un leven deit ännern

De Aart brott, nich wietaf vun’e Küst, in de Tundra vun Sibirien un Noordamerika in’n Norden vun Russland, Alaska un Kanada. Düsse Schietjager overwintert up hoge See, man ok nich wiet af vun de Küsten, sunnerlich twuschen de Wennkreise un langs de Küsten vun Australien un Argentinien. De Populatschoon ut Europa steiht in’n Winter sunnerlich an de Küsten vun Westafrika. Up’n Treck dorhen is se regelmotig langs de westeuropääschen Küsten to sehn.

Bestand ännern

De IUCN taxeer de Tahl vun Vagels vun düsse Aaart in dat Johr 2004 over’n Duum up ruuchweg 250.000 bit hen to 3 Mio. Deerter. Dat warrt annahmen, datt düsse Aart nich in Gefohr is. Vundeswegen steiht se ok nich up de Rode List vun de IUCN.

Freten ännern

Middelste Jagers freet Lemminge, Eier, Fisch, Aas un Jungvagels vun annere Aarden. To’n Deel fangt se ehre Büte sülms, man to’n Deel nehmt se de ok annere Vagels weg (Kleptoparasitismus).

Kiek ok bi ännern

Literatur ännern

  • Klaus Malling Olsen & Hans Larsson: Skuas and Jaegers. Pica, East Sussex, 1997. ISBN 1-873403-46-1
  • Urs N. Glutz von Blotzheim & Kurt M. Bauer: Handbuch der Vögel Mitteleuropas, Band 8/I, Charadriiformes (3. Teil) Schnepfen-, Möwen- und Alkenvögel. Aula, Wiesbaden, 1999. ISBN 3-923527-00-4
  • R. Haven Wiley & David S. Lee: Pomarine Jaeger (Stercorarius pomarinus). In: The Birds of North America, No. 483 (A. Poole and F. Gill, eds.). The Birds of North America, Inc., Philadelphia, PA. Issue 483. (BNA)
  • Lars Svensson, Peter J. Grant, Killian Mullarney, Dan Zetterström: Der neue Kosmos Vogelführer. Kosmos, Stuttgart, 1999. ISBN 3-440-07720-9

Weblenken ännern

  Middelsten Jager. Mehr Biller, Videos oder Audiodateien to’t Thema gifft dat bi Wikimedia Commons.