Middsümmer

Midsümmer is de Nååm van een Fest, wat in Nordeuropa meerst an'n 21. Juni, dat is de längste Dag van't Johr, fiert warrd. In Sweden söökt se sik jümmers den Freedag rut, de meerst dichtebi de kötteste Nacht is. Düsse Freedag heet "Midsommerafton". In anner Streken fiert de Lüüd an'n Saterdag bi Midsümmer. In Düütschland warrd dat Fest ook "Sommersonnenwende" nöömt, man dat hett een stark negativ Bedüten, ümdat de Nazis dat Fest korrumpeert hebbt. In Noorddütschland hebbt se lange Tied för "Midsümmer" ook "Johannisdag" seggt. De Christen hebbt dat ole haidsche Fest ümdüüt as Fest för Johannes den Döpersmann, so as se ook Wiehnacht to de Wintersünnenwenn stellt hebbt. In Skandinavien finns ook vandåge noch Bruukdum, wat met de Midsümmernacht to doon hett. So schall een Deern Blamen ünner dat Koppkissen liggen låten un denn van hör Bröögam drömen. Fröher glöven de Minsken, dat bi Midsümmer Elfen un Trolle upp'n Patt sünd. Över dat Tövern un de Leevde to Midsümmer kann sik een bi Shakespeare sien Spill "A Midsummer Night’s Dream" künnig måken.