Minguo-Klenner
| Minguo-Klenner |
|---|
| 民國114年05月23日 Minguo 114. Jaar 05. Maand 23. Dag (dat Datum vundaag’) |
| Gregoriaansche Klenner |
| 23. Mai 2025 |
 Klenner för dat eerst Minguo-Jaar, Präsident Sun Yat-sen, 1912 mit de Flagg vun de Republik China |
De Minguo-Klenner (chineesch 民國紀元曆 / 民国纪元历, mínguó jìyuánlì, ook chineesch 中華民國曆 / 中华民国历, Zhōnghuá mínguólì) is een Klenner, de aktuell in de Republik China (Taiwan) bruukt warrt. Ook de Republik China op den chineeschen Fastland het den Klenner vun 1912 bet dat 1949 Volksrepublik China grünnt worrn is, bruukt. De Minguo-Klenner, oder de Ära na den Minguo-Kalender heet op Chineesch „Minguo jiyuan“ – chineesch 民國紀元.[1]
De Klenner folgt de kaiserliche Traditschoon för den Naam vun een Ära de Devies vun den Heerscher in de Tied to bruken. In den offitschellen Dokumenten vun de Republik China is 1912, da „Grünnjaar vun de Republik China“ un dat eerste Jaar vun de Republik (民國元年).[2] Dat Jaar 2025 A. D. is so „114. Jaar vun de Republik“. Jaren warrt as 民國 „nnn“ 年 schreven, wo „nnn“ bi de Jaarstall is. To’n Bispeel is dat „Minguo-Jaar 101“ – 民國一百零一年, in de Ümgangsspraak meist 民國一零一年 oder 民國一〇一年[3] dat Jaar 2012 A. D. Üm dat chineesche Äranamen traditschonell twee Teken lang sünd, steit hier Minguo (民國) as Kortform för Zhonghua Minguo (中華民國).[4]
Dat Jaar begünnt op den 1. Januar. De Längd vun de Maanden un de Schaltregels sünd de leike as bi den Gregoriaanschen Klenner. De enige Ünnerscheed is de üm den Weerd 1991 lüttere Jaarstall.[5]
De Minguo-Klenner is in Taiwan vundaag’ ümstreden. In dat Jaar 2006 wull de Premierminister dunntomalen Su Tseng-chang den Klenner opgeven un alleen noch den greogoriaanschen Klenner, den Taiwan ook parallel to de Minguo-Klenner nütt, bruken.[6] De Vöörslag is man nich Tostann kamen un is nich ümsett worrn.
Ümreken
ännernEne Jaarstall vun den gregoriaanschen Klenner in den Minguo-Klenner ümtoreken, treckt een 1911 vun de gregroriaansche Jaarstall af. Ene Jaarstall uut den Minguo-Klenner in den gregoriaanschen Klenner ümtoreken, tellt een daar 1991 to. So to’n Bispeel dat Jaar 2025 in den gregoriaanschen Klenner dat Jaar 2025 − 1911 = 114 in de Minguo-Ära; dat Jaar 89 in de Minguo-Ära kaamt den Jaar 89 + 1911 = 2000 in den gregoriaanschen Klenner liek.
Trivia
ännernNoordkoreaansche Klenner
ännernDe noordkoreaansche Staatsgrünner Kim Il-sung is ook 1912 op de Welt kamen. So het de Juche-Klenner, den Noordkorea sied 1997 bruken deit, tofällig ook de glieke Jaarstall as de Mingio-Klenner. Ook in’n Juche-Klenner begünnt dat Jaar op den 1. Januar un de de Schatregels sünd ook so as in’n gregoriaanschen Klenner.
Footnoten un Anmarksels
ännern</references>
- ↑ Minguo jiyuan (chineesch 民國紀元 / 民国纪元, kant. Man4gwok3 gei2jyun4 „Man4gwok3 gei2jyun4“)
- ↑ Minguo yuannian (民國元年), also dat eerste Jaar vun de Republik China.
- ↑ „Minguo-Jahr 101“ (民國一百零一年, auch 民國一零一年 bzw. 民國一〇一年)
- ↑ Minguo (民國, kort för Zhonghua Minguo (中華民國), also Republik China oder Epoch in de Tied vun de Republik China.)
- ↑ Endymion Wilkinson: Chinese History – A Manual. Revised and Enlarged 1. Auflage. Harvard Univ Asia Center, 2000, ISBN 0-674-00249-0, S. 184–185 (englisch, google.de [PDF; afropen an’n 18. Juni 2019] eingescannt).
- ↑ Jimmy Chuang: Taiwan may drop idiosyncratic Republican calendar. In: Taipei Times. 25. Februar 2006, afropen an’n 21. Mai 2018 (engelsch).