Mirptall

Mirptallen („prim“ torüchoors schreven, engelsch emirp) sünd Primtallen, de torüchoors leest wedder en annere Primtall geven doot. En Tall, de vör un torüch gliek is as to’n Bispeel de 11, is keen Mirptall.

De eersten ut de Reeg vun de Mirptallen sünd 13, 17, 31, 37, 71, 73, 79, 97,  …

In’n Gegensatz to de Egenschop vun de Primtallen, hangt de Egenschop vun de Mirptallen ok vun’t Stedenweertsystem af, dat bruukt warrt.

Mathemaatsch hebbt de Mirptallen aver keen sünnere Bedüden. Se künnt eher to dat Rebeet vun de Smuustermathematik tellt warrn.

Kiek ok

• List vun sünnere Tallen

Literatur

• Martin Gardner: The Magic numbers of Dr. Matrix. Prometheus Books, Buffalo NY 1985, ISBN 0-87975282-3.

Weblinks

• emirp op Mathworld (engelsch)
• emirp in Prime Glossary (engelsch)