Mo Asumang
Mo Yaa akoma Asumang (* as Monika Asumang 13. Juni 1963 in Kassel) is en düütsche Schauspelersche, Singersche, Moderatersche, Synchroonsnackersche un Speelbaas’sche.
Leven un Wark
ännernAsumang hett twüschen 1997 un 2000 op ProSieben de Feernsehsennen Liebe Sünde modereert un siet de Tiet ok lüttere Rullen in en poor Film- un Feernsehprodukschonen speelt, ünner annern 2010 de US-Butenministersche in Roman Polański sien Film The Ghost Writer. Synchroniseert hett se to’n Bispeel Fähnrich Seska ut de Feernsehreeg Star Trek: Voyager. As Speelbaas’sche hett se bit 2013 twee Dokumentarfilmen dreiht un dorto ok dat Dreihbook/Kunzept entwickelt.
Mo Asumang leevt in Berlin un leidt dor dat Gewarf vun en Produkschoonsfirma vun Film- un Feernsehbidrääg. 2006 un 2010 weer se mit den Adler Award in de Kategorie Best Black Media Entertainer uttekent, de vun de African Youth Foundation verleht warrt. För ehr eerste Arbeit as Speelbaas weer se för den Adolf-Grimme-Pries nomineert. Butendem hett se en Paatschop mit dat Gymnasium „Alexander S. Puschkin“ in Hennigsdorf as Schule ohne Rassismus – Schule mit Courage.
Filmografie (Utwahl)
ännern| Johr | Titel | Funkschoon |
|---|---|---|
| 1999 | Paul und Clara – Liebe vergeht nie, Feernsehn | Dorsteller |
| 1995-2001 | Star Trek: Voyager, Feernsehreeg dt.: Star Trek: Raumschiff Voyager |
Synchronisatschoon (Martha Hackett as Ens. Seska) |
| 2001 | Dejimon Teimazu (jap.: デジモンテイマーズ) dt.: Digimon Tamers |
Synchronisatschoon (Yuka Imai as Sakuyamon) |
| 2004 | Sakura, Kortfilm | Dorsteller |
| 2007 | Roots Germania, Dokumentarfilm | Kunzept Speelbaas Produzent |
| 2010 | The Ghost Writer dt.: Der Ghostwriter |
Dorsteller |
| 2010 | Road to Rainbow, Dokumentarfilm | Dreihbook Speelbaas |
| 2014 | Die Arier, Dokumentarfilm | Speelbaas |
Utteken
ännernMo Asumang is fiefmol för Filmpriesen vörslahn wesen und hett veer dorvun wunnen:
- 2014: den Öngören-Pries vun’t Filmfestival Törkie/Düütschland för Die Arier
- 2014: den Copper Wind Award in de Kategorie Best Dokumentarfilm – Weltkino för Die Arier
- 2014: den Copper Wind Award in de Kategorie Weltkino Tokieker-Pries för Die Arier
- 2014: den Magnolia Award in de Kategorie Best Speelbaas in en Dokumentarfilm för Die Arier
Weblinks
ännern- Mo Asumang in de Internet Movie Database (engelsch)
- Mo Asumang in de Düütschen Synchroonkartei
- offizielle Websteed
- "Deutschland kreiert sich neu.", Eren Güvercin vertellt mit Mo Asumang över Rassismus, Integratschoon un de Sarrazin-Debatte.