Monica Bleibtreu
Monica Bleibtreu (* 4. Mai 1944 in Wien; † 14. Mai 2009 in Hamborg) weer en öösterrieksch Schauspelerin, Schauspeeldozentin un Dreihbookschrieverin.
Leven ännern
Monica Bleibtreu weer de Dochter vun en Theaterdirekter un de Grootnichte vun Hedwig Bleibtreu. Se stunn all in hör Kindstiet up de Bühne. Se studeer Schauspel an dat Max-Reinhardt-Seminar in Wien un hett in hör eerste Beropsjohren blots Theater speelt. Eerst 1971 weer se eerstmals in’t Feernsehn, hett denn aber ok wiederhenn hööftsächlich an verscheeden Theatern, as dat Berliner Schillertheater, de Freien Volksbühne in Berlin, de Münchner Kammerspiele oder dat Burgtheater in Wien.
Van 1993 bi 1998 weer Monica Bleibtreu Perfesser för Schauspeel an de Hochschule für Musik und Theater Hamburg. In de Hansestadt harr se ok hör Levensmiddelpunkt. 2002 kreeg se mehrere Pries, ünner annern den Grimme-Pries för de Dorstellung vun Katia Mann in Heinrich Breloers Film Die Manns – Ein Jahrhundertroman. In’ Oktober 2005 kreeg se den Düütschen Feernsehpries in de Kategorie „Beste Schauspielerin Fernsehfilm“ för de Film Marias letzte Reise. In’Mai 2007 wurr se mit de Düütsch Filmpries in de Kategorie „Beste Schauspielerin“ för hör Rull vun de Traude Krüger in 4 Minuten uttekend.
Ut hör Beziehung mit den Schauspeler Hans Brenner harr se de Söhn Moritz Bleibtreu, de ok Schauspeler wurr.
To hör 65. Geburtstag an’ 4. Mai 2009 wurr de Feernsehfilm Ein starker Abgang mit Bruno Ganz in’t ZDF utstrahlt.[1] Monica Bleibtreu is, as ehr Agentur seggt, in de Nacht vun’n 13. op den 14. Mai 2009 na 2½ johrige Lungenkrebs-Krankheit in Hamborg doodbleven.[2]/[3]
Filmografie ännern
Utteknungen ännern
- 2002: Rita-Tanck-Glaser-Schauspielpries vun de Hamborgischen Kulturstiftung
- 2005: Adolf-Grimme-Pries för den Feernsehfilm Marias letzte Reise
- 2005: Düütsch Feernsehpries för den Feernsehfilm Marias letzte Reise
- 2005: Bayerisch Feernsehpries; Sünnerpries för Marias letzte Reise (mit Nina Kunzendorf un Michael Fitz)
- 2007: Bayerisch Filmpries (Beste Hööftdorstellerin) för 4 Minuten
- 2007: Düütsch Höörbookpries as „Beste Interpretin“ för Tannöd
- 2007: Düütsch Filmpries as „Beste Schauspelerin“
- 2007: Golden Fedder för „ehr rutragen schauspelerische Leistungen“
- 2007: CORINE-Weltbild-Leserpries tosamen mit Andrea Maria Schenkel för’t Höörbook Tannöd
- 2008: Hess’scher Filmpries (Ehrenpries vun’n Hess’schen Ministerpräsidenten)
- 2009: Romy as „Beliebteste Schauspielerin“
Enkeld Nahwiesen ännern
- ↑ „Ein starker Abgang”: Zum 65. Geburtstag von Monica Bleibtreu. Pressemappe ZDF vom 30. April 2009
- ↑ Süddeutsche Zeitung: Schauspielerin Monica Bleibtreu gestorben vom 15. Mai 2009.
- ↑ Martina Kaden: Krebs-Drama – Monica Bleibtreu ist tot, B. Z. vun’n 15. Mai 2009 (Online-Faaten; afropen an’16. Mai 2009)
Weblenken ännern
- Monica Bleibtreu in de Internet Movie Database (engelsch)
- Filmportal.de: Bio- un Filmographie
- Franz Josef Görtz: Porträt Monica Bleibtreu: Boulevard frei für eine komische Alte; in: Frankfurter Allgemeine Sonntagszeitung, 31. Dezember 2006
- Monica Bleibtreu über Leben und Werk im Gespräch 2008 auf Bayern2Radio: Eins zu Eins – Der Talk.