Mode
Mode oder Mood kümt över’t fransche, uut’n latinschen Woord modus un betekent: Manere of Wiese. De Manere, wo de meeste Kleder to enen bestimmen Moment mooi efunnen worden un wat edrögen word is so de Mode. Mode is vöral wat „vöreschreven“ word dör de Modehüsen.
Faken is’t op Moment selv neet düüdlik wat’t Modebild is. Eers achter of word ruutkennd, wat de Mode to’n Bispeel in den 50-er jaren was.
Mode givt dat nich alleen bi Kledern. Uk de Stil, na den to’n Bispeel Hüsen ebaud worden hev to doon med de Mode. Der möt in een Stiel ebaud worden, de up de Moment mooi efunnen worden. Bi de Hüsenbau word dit een Stil enöömd. Selvs Gardinen, de Boddem, oder Handdoken folge Moden.
Mode hev so gud as allteid all bestaan. In de Prähistorie was’t neet heel belangirek wo een rumlopen is. De Grieken un Römers kennen wisse al Mode. Se fugen uk Snederie un Tobehöör an de Kleder to. In den Middelöller haddden de Adel prachtige, staatsche Kledern, wieldes ’t noramle Volk in sien Lumpen rümlööp. In de vergangen 1000 bet 200 Jaar het Mode ene alltied groter Rulle speeld.
