Motörhead weer en engelsch Metal-Band. Se is 1975 in London grünnt wurrn.Frontmann Lemmy Kilmister sülvst betekente de Musiekstil as Rock-'n-Roll. Na sien Dood 2015 is de Band oplööst worrn.

Motörhead live 2008
Logo

Anfang ännern

Lemmy Kilmister is Grünner van de Band en dat eenzig Lidd, dat van Beginn an bit nu dorbi is. He weer vörher Bassist van Hawkwind en Roadie van Jimi Hendrix. In Lent 1975 würr he ruutworpen uut de Grupp Hawkwind, van wegen dat he Drogen besitten dee. Achteran wull he een egen Band grünnen. Eersten weer de Plaan, de Band Bastard to nömen. De Plaan würr annert en de Band kreeg de Naam Mötorörhand. So heet de lest Nummer, Lemmy schreev för Hawkwind. Dat Woord Motorhead is Slang, it betekent een Minsch, dat Amphetanin nümmt. De Ümlaut up dat tweed "O" is ahnen Infloot up de Uutspraak. Lemmy see eens, dat de Ümlaut dor is, dat de Naam sick düütsch uutnümmt .“[1].

De eerst Leden van de Band weren Lemmy, Larry Wallis (de speel vörher Bass mit de Pink Fairies) en de Drummer Lucas Fox. Juul 1975 pedden se eerstmaals up. In’t sülvig Johr nöhmen se hehr eerst Album up.

Klassisch Line-Up ännern

As Lucas Fox ruutgüng uut de Band, würr Phil "Philthy Animal" Taylor Lidd van de Grupp. Achteran keem "Fast" Eddie Clarke för Wallis in de Band. De Band würr denn formt van Lemmy, Philthy Animal en Fast Eddie Clarke. Düsse Line-Up nöhm fief Albums up en würr laterhen as klassisch bekannt. In 1977 keem dat eerste offiziell Album ruut, Motörhead. Dat Album harr Spood bi Heavy-Metalfans netso as bi Punkrockfans. De twee Albums, wat dorup folgen, harrn bannig Spood, Overkill en Bomber. Up de Band würr in de Momang up keken as een wichtig ingelsch Metalgrupp. In 1980 keem Ace of Spades ruut. Dat Album raak de Topteihn van de brietsch Hitliisten. De Single Ace of Spades würr een groot Hit. Een Johr later warkelen se mit de Band Girlschool tohoop. Uut dütt Tohooopwarken keem dat Leed Please don't Touch bi uut. Dat Tohoopwarken kreeg de Naam Headgirl. Datsülvig Johr bröch de Band dat Livealbum No Sleep 'Til Hammersmith ruut. De Albums Ace of Spades en No Sleep 'Til Hammersmith würrn van de Kritik laavt en harrn wedder motsch Spood.

1982 bit 2015 ännern

In 1982 verleet Clarke de Band - nah een Ruusje mit Lemmy. Rampelsmang för Clarke weer de Gitarrist Brian Robertson. Robertson harr vörher speelt mit de Band Thin Lizzy. He bleev för een Album (Another Perfect Day). In Steed van bloots een Gitarrist kreeg de Grupp achter sien Afgang twee Gitarristen: Würzel en Phil Campbell (vöörmaals Gitarist van Persian Risk). De Drummer Taylor verleet de Band, för hem keem Pete Gill. In 1987 keem Taylor back bi de Grupp, üm in 1992 wedder uuttostiegen. Mikkey Dee würr denn de Drummer. Söddert 1983 würr it kalmer. Motörhad harr Fans, de truu weren, en de Band dee dör de Lannen touren. Van de negentiger Johren af hett sick de Band mehr up dat Touren uutricht en bröchen minner Platten ruut. Dat lesde Album weer 2015 Bad Magic. De Dood vun Lemmy Kilmister in't sülven Johr weer naast ok dat End vun Motörhead.

Stil ännern

 
Lemmy live in Edmonton, 2005

Offschuurs de Band mehrtieds as Heavy Metal of Speed Metal ansehen warrt, meen Lemmy, dat he sülven nooit en nümmers Motörhead för een Metal Band holen dee.[2]

As he fraagt würr, of he een Problem harr dormit, dat Motörhead een Metalband nöömt warrt, anter he "I do, because I come from way before Metal. I’m playing Rock n’ Roll and I think Rock n’ Roll should be sacred – it is to me. I don’t see why it should not be for everybody else."[3]

Kloor sien Menen over Heavy Metal spröök Lemmy uut in een Interview mit Joel McIver, dat Jenner 2000 apenbor maakt würr. McIver fröög hem, wat he över dinkt, dat weck Lüüd konfuus warrt mit Hard Rock en Soft Metal en all de anner Kategorien. Lemmy anter "Cunt metal? Spunk metal? Left-handed metal? Right-handed metal? Upwardly-mobile metal? This term "heavy metal" is only rock'n'roll anyway, because metal bands are the logical successors to Eddie Cochran and Buddy Holly".[4]

Maskott ännern

De Band het een egen Makott mit de Naam Name „Snaggletooth B. Motörhead“, dat is soveel as tücksch Tehn.“[5] Dat Maskott verbinnt Elementen van de Höövden van Hund en Hauer. De Entworp stammt van de Künstler Joe Petagno en Lemmy Kilmister.

Infloot ännern

Mit hehr luud en rapp Musik dee Motorheat wat dorto, dat sück Speed Metal en Thrash Metal entwickelen."[6]

De Musik van Motörhead harr över de Tied Infloot up de Musik van een Bült anner Bands. Dorünner weren Alice In Chains, Metallica, The Sisters of Mercy, Queens of the Stone Age en Killing Joke. Bekannt Leder van Motörhead sünd in Sünnerheed Ace of Spades en Orgasmatron. Ace of Space würr covert van Peter Pan Speedrock en Blood for Blood. Orgasmatron würr covert van Sepultura.


Besetten ännern

Alben ännern

Springen ännern

  1. http:/www.sueddeutsche.de/kultur/fragen-an-ian-lemmy-kilmister-motoerhead-saenger-1.770033 100 Fragen an ... - Ian "Lemmy" Kilmister
  2. http://www.southernlord.com/probot/singer.html Dave Grohl (quote=Fuck Elvis and Keith Richards, Lemmy's the king of rock 'n' roll - he told me he never considered Motorhead a metal band, he was quite adamant.)
  3. http://web.archive.org/web/20080202035817/http://www.classicrockrevisited.com/Interviews/08/Interview_with_Lemmy.htm
  4. McIver, Joel (January 2000). "Mil-Lemmy-Um". Record Collector (245): 49
  5. Oxford Advanced Learner’s Dictionary of Current English: „snag“
  6. Erlewine, Stephen Biography. Allmusic. Retrieved on 2007-02-11.