Mount Augustana
| Mount Augustana | ||
|---|---|---|
| Barggrupp: | Cumulus Hills, Königin-Maud-Bargen, Transantarktische Bargen | |
| Hööchd: | 2.800 m över de See | |
| Laag: | Ross Dependency, Oostantarktika | |
| Kuntinent: | Antarktika | |
| Normaalweg | Hoochtour (vergletschert) | |
| Koordinaten: | Koordinaten:85° 14′ S, 174° 21′ W85° 14′ S, 174° 21′ W | |
| ||
Mount Augustana is en över 2.800 m över de See hogen Barg in de Ross Dependency, Oostantarktika. He liggt in’n Noorden von de Cumulus Hills von de Königin-Maud-Bargen twüschen de Koppennen von’t LaPrade Valley un von’t Cheu Valley. Siene Noordsied is schroff, to’n groten Deel iesfree un fallt steil 1500 m na’n McGregor-Gletscher af. Sien Süüddeel is iesbedeckt un löppt mack na dat Koppenn von’n Logie-Gletscher ut.
Dat Advisory Committee on Antarctic Names hett den Barg in dat Johr 2008 na’t Augustana College in Rock Island (Illinois) nöömt, üm de lange Forschungsgeschicht to de polare un glaziale Geologie von dat College to ehren. Dat Fryxell Geology Museum, dat to dat College höört, hett en Barg Fossilien von Dinosauriers ut dat Geslecht Cryolophosaurus, wat de gröttste betherto in Antarktika funnen Roovsaurier is.
Weblenken ännern
- Mount Augustana in dat Geographic Names Information System von’n United States Geological Survey (engelsch)
- Mount Augustana op geographic.org (engelsch)