Mount Vinson is en Barg in Ellsworthland, Westantarktika, un mit 4.892 m över de See de höögste Barg von Antarktika. He tellt dormit to de Seven Summits. Mount Vinson liggt in dat Vinson-Massiv von de Sentinel Range, de Deel von de Ellsworthbargen is.

Mount Vinson
Mount Vinson, Sicht von Noordwesten (Vinson-Plateau)
Mount Vinson, Sicht von Noordwesten (Vinson-Plateau)
Mount Vinson, Sicht von Noordwesten (Vinson-Plateau)
Barggrupp: Vinson-Massiv, Sentinel Range, Ellsworthbargen
Hööchd: 4.892 m över de See
Prominenz: 4892 m
Dominanz: 4911 km
Laag: Ellsworthland, Westantarktika
Kuntinent: Antarktika|- Toeerst bestegen: 1966 dör Pete Schoening, John Evans, Barry Corbet un Bill Long
Normaalweg Hoochtour vergletschert
Koordinaten:
Koordinaten:78° 32′ S, 85° 37′ W
78° 32′ S, 85° 37′ W
Mount Vinson
Laag vun Mount Vinson in Antarktika

De Barg is na’n US-amerikaanschen Senater Carl Vinson nöömt, de dat Utforschen von de Antarktis föddert hett.

Geschicht ännern

De Barg is in’n Januar 1958 bi en Floog von de United States Air Force över de Sentinel Range opdeckt worrn. Toeerst op’n Barg ropkladdert is in’n Dezember 1966 en Expeditschoon von’n American Alpine Club – finanziell ünnerstütt von de National Geographic Society un tosätzlich ünnerstütt von de United States Navy. Pete Schoening, John Evans, Barry Corbet un Bill Long sünd an’n 18. Dezember 1966 tohoop as eerste op’n Topp ween. In de twee Daag dorna sünd ok noch söss annere Maten von de Expeditschoon hoog. De Expeditschoon is in de Weken achteran ok noch op annere von de höögsten Bargen in de Sentinel Range rop.[1]

In dat Johr 2001 is en US-amerikaansche Expeditschoon üm Conrad Anker un Jon Krakauer toeerst över de Oostsied op’n Mount Vinson rop.[2]

Dat Ropkladdern över de Normaalroute is swoor, wat aver nich dor an liggt, dat dat technisch swoor is, man an de Küll, Störm un an de extreme Laag in de Antarktis. De Barg is üm un bi 1200 Kilometer von’n Süüdpool weg.

Utgangspunkt von de mehrsten Expeditschonen na’n Mount Vinson weer dat Patriot Hills Base Camp, dat knapp 120 Kilometer weg is. Düt Camp is 2010 dör dat nee inricht Union Glacier Camp aflööst worrn.

Över de Johren weer dat nich ganz kloor, wat de Status von’n Mount Vinson is (Barg oder Bargmassiv) un wat för en Ümfang he hett. Dorüm hett dat Advisory Committee on Antarctic Names in dat Johr 2006 beslaten, offiziell twee separate Naams intoföhren: Mount Vinson is en enkelten Barg in dat Vinson-Massiv.

Galerie ännern

Weblenken ännern

  Mount Vinson. Mehr Biller, Videos oder Audiodateien to’t Thema gifft dat bi Wikimedia Commons.

Footnoten ännern

  1. American Alpine Journal: Brian S. Marts: American Antarctic Mountaineering Expedition in AAJ 1967, Volume 15, Issue 2, Sied 251f
  2. "Mountain Of Ice" Expeditschoon 2001