Muckleshoot

Muckleshoot is en Indianerstamm, de in’n US-Bundsstaat Washington leevt. De Liddmaten snacken en Dialekt vun de süüdwestlich Küsten-Salish un leven an de Puget Sound un de angrenzend Strööm vun de Cascade Range. Dit Rebeet wurrd de Muckleshoot Usual & Accustomed Area nömmt. Se hebbt traditschonell Whulshootseed (x^wəlšucid) snackt, en lokaal begrenzt Oort vun de Lushootseed, worbi se dormit anfungen sünd, de Spraak wedder to beleben. Se hebbt fröher an de White River leevt, hör Wahnrebeet gung vun Kent oostwärts bit hen to de Bargen un woll ok bit to de Green River. To de hebbt ok woll de Sekamish un Smulkamish an’n White River un de Skopamish an de bövere Green River höört.

De meesten vun de över 3.000 Muckleshoot leven hüdtodag in de 15,871 km² groote Muckleshoot Reservation, tüschen White und Green River an den Highway 164 tüschen de Städer Auburn und Enumclaw. Disse Stadt reckt wiet in dat Reservat, in dat in dat Johr 2000 genau 3.606 Inwahner tellt wurrn.

Historie

So as bi all Küsten-Salish, gleeder sück de Sellschap in dree Gruppen, in de Adel (wat man arven kunn), de Hööftgrupp mit de eenfach Stammeslidmaaten un in Slaaven (meestens Kriegsgefangene).

De Lachs stunn in’t Zentrum vun de Fischeree, dorto keemen de Jagd un dat Sammeln. De westlich Rootzeder versörg hör mit Holt för Kanus, Fasern för Kleedasch, Planken för Hüüs un vööl mehr. Dröögt Lachs weer en wichtig Hannelsgood un wurr wiet in dat Achterland verfracht.

Eerste Kontakte mit de Witten

So as vööl Liddmaten vun de pazifisch Völker, sünd ok de Muckleshoot um 1800 rüm dör swoor Epidemien minneseert wurrn.

De Skopamish weer mit 222 in dat Johr 1863 un de Smulkamish ruch weg 183 in 1870. För 1907 wurrn de Muckleshoot up 780 Angehörige schätzt. 1937 meld dat United States Office of Indian Affairs blots noch 194 registreert Indianer vun disse Stamm.

De Verdrag vun 1856

In de Puget Sound Indianerkrieg (1855-1856) sloten sück de Muckleshoot mit anner Stammen tosammen, mussen aber, nahdem se tegen de US-Truppen verloren harrn, in en lütt Reservatschoon trecken, de hör in de Vedrääg vun Point Elliott un Medicine Creek tospraken wurrn. De Reservatschoon liggt in en Rebeet mit de Naam Muckleshoot Prairie. Nah disse Reservatsnaam hebbt denn de dor levenden Lidmaaten vun de Stkamish, Yilalkoamish, Skopamish, Smulkamish un Tkwakwamish so nah un nah den Naam Muckleshoot annommen.

In’ Loop vun de Tiet wurrn ok en Antall an Liddmaten vun anner Stammen, so as de Duwamish un Snoqualmie, in de Muckleshoot-Stamm upnommen; dat gellt ok för eenige Tulalip un Suquamish. De Muckleshoot-Reservatschoon hett 32 km lang Grensen. In’ Loop vun de Tiet kemen dor immer mehr Farmen drüm to, vör allen drückt aber insbesünnere de Stadt Seattle, an de westlich Deel vun de Reservatschoon in de Reservatschoon rin. Disse Verstäderung wurrd somit to en Problem.

Sülvstregeeren

1936 geev sück de Stamm en Verfaten, de 1941 ratifizeert wurr. Dormit wurr de Stammesraat inaugureert (Muckleshoot Tribal Council), de ut negen wählt Liddmaten bestunn. De moot den General Counsel, de ut all utwuussen Lüüd vun de Stamm besteiht, Rekenschap aflegen. De Muckleshoot Tribal Council harr dormit de gesamt Bandbreett vun Regeerensleistungen för de Reservatschoon.

In de 60er und 70er Johren vun dat 20. Johrhunnert hebbt de Muckleshoot neben anner Stammen um hör Fischereerechte kämpt, in de so nömmt "Fish Wars". En Richter namens Boldt hett denn de Stamm en gemeensam Management an de Fischbestände in dat King County togestahn (Boldt Decision). Nu harrn se weer de wähnten Togang un se harrn nu ok Mitspraakrechten buterhalv vun hör lütt Reservatschoon. Sogor en eegen Natural Resources Department wurr insett.

Aktuell Situatschoon

Verstäderung un de Industrialisierung hebbt wenig Rücksicht nommen up de Stamm un de sien Leevensgrundlaag, de Lachs. Um hör ökonoomsch Situatschoon aber liekers to verbetern, hebbt de Muckleshoot en Casino in Auburn, dat Muckleshoot Indian Casino apen maakt. Mit dat Geld, wat se dordör innemmen deen, kunnen se Delen vun hör Land torüchkopen.

De Schoolutbilden bit henn to’n College föhrt de Stamm intüschen up eegen Rebeet dör. Siet Anfang 2005 hebbt se ok en egen Krankenhuus.

Van 31. Juli bit to’n 5. August 2007 weer de Stamm eerstmals Gastgever vun dat InterTribal Canoe Journey, en Versammeln vun tallriek Indianer ut den Westen vun de USA un ut Kanada tüschen Oregon un dat nöördlich British Columbia, de mit Kanu anreisen, um an de Hannelsfohrten un de eng Beziehungen tüschen de Küstenstammen to erinnern un de uptofrischen. Disse in Richtung stammt vun Emmett Oliver, en 89johrigen Quinault mit de Paddle to Seattle 1989 initieert.

Kiek ok

List van Indianer up de noordamerikaansche Kontinent

Literatur

Wayne Suttles (Hrsg.): Handbook of North American Indians. Bd. 7: Northwest Coast. Smithsonian Institution Press, Washington D.C. 1990, ISBN 0-87474-187-4