Natalja Filimonowna Bestemjanowa
Natalja Filimonowna Bestemjanowa (russisch Наталья Филимоновна Бестемьянова; * 6. Januar 1960 in Moskau, Sowjetunion) is en ehmalge russisch Ieskunstlöperin, de in’n Iesdanz för de Sowjetunion antreeden is.
.jpg)
Hör Iesdanzpartner weer af 1977 Andrei Bukin. Dat Paar wurr in Moskau van Tatjana Tarassowa traineert.
1979 hemm Bestemjanowa un Bukin hör Debüt bi Ieskunstloop-Weltmeesterschapen geeven, een Johr later bi Ieskunstloop-Europameesterschapen un bi Olympisch Spelen. 1981 hemm se mit de Bronzemedaille bi de Ieskunstloop-Weltmeesterschapen 1981 hör eerst Medaille reckt. So lang aber de Briten Jayne Torvill un Christopher Dean loopen deen, keemen Bestemjanowa un Bukin an de nich vörbi. 1982 bit 1984 bleev hör bi Weltmeesterschapen immer de tweete Platz achter Torvill/Dean un ok bi de Europameesterschapen 1982 un 1984 weer dat so. Eenzig 1983 kunnen se in Düörpm Europameester wurrn, aber dor weern Torvill un Dean nich an den Start. Ok bi de Olympischen Spelen 1984 in Sarajevo keemen se up den tweeten Platz. Hör Tiet keem aber dornah. Nah den Rückträe van Torvill un Dean wurrn Bestemjanowa un Bukin bit Enn‘ van de 1980er Johren dat weltbeste Iesdanzpaar. Se hemm van 1985 bit 1988 all internatschonal Meesterschapen wunnen, an de se deelnehmen deen. Se weern van 1985 bit 1988 Europameester un Weltmeester un 1988 in Calgary wurrn se ok noch Olympiasieger.
Mit veer WM-Titeln un fief EM-Titeln wurrn se blots noch van hör Landslüüd Ljudmila Pachomowa un Alexander Gorschkow överdrapen, de sogor söss Mal Welt- un Europameester weern.
Bestemjanowa is mit den ehmalgen sowjeetschen Ieskunstlöper un Choreografen Igor Bobrin verheiraadt. Siet 1986 is Bestemjanowa gemeensam mit Bukin in dat Iestheater van Bobrin (Bobrin Ice Theatre Moscow – Moscow Stars on Ice) uptreeden.