Dat Natureum is en Museum för Naturkunn in Neenhoff twüschen Balje, Neehuus un Belen an de Münn von de Oost in de Elv. Dat liggt op dat Stück Land twüschen de ole Münn von de Oost (vondaag en See) un de ne’e Münn, de graavt worrn is, as dat Oostsparrwark boot worrn is.

Natureum
Fischkutter Erna Becker

Baas von dat Museum is Clivia Häse.

Op en Rebeed von 2500 m² binnen un 100 Hektar buten wiest dat Museum Saken to de Geologie un Naturkunn von de Region un to de Planten un Deerten in Moor, Masch, Geest, Wadd un in de Noordsee. Dat Museum hett to’n Bispeel en Statschoon üm Vagels to kieken un en Stormflood-Modell. Dat Museum wiest ok lemmige Deerten in Aquariums un Terrariums un in en Strakelzoo. Op dat Gelänn warrt ans noch de Fischkutter Erna Becker utstellt, de 1892 von Sietas in Cranz boot worrn is un mit Hamen fischt hett.

Weblenken ännern


Koordinaten:53° 49′ N, 9° 2′ O