Neckarsulm
Neckarsulm ([nɛkaɐ̯ˈzʊlm]) is en Stadt in’n Norden van Baden-Württemberg. Hör Karnstadt stellt mit de Nahberstadt Heilbronn en dörgahnd bebaut Rebeet dor. Sien Naam hett Neckarsulm van de Laag dicht bi de Münnen van de Sulm in den Neckar. Mit 26.528 Inwahner (Stand: 31.12.2019) up en Flach van 24,94 km² un rund 29.500 Arbeitsplatzen is Neckarsulm de gröttste un wertschaplich wichtigste Stadt van den Landkreis Heilbronn un en Mittelzentrum in de Region Heilbronn-Franken as ok de butere Metropolregion Stuttgart. Siet den 1. Januar 1973 is Neckarsulm Groot Kreisstadt.
Neckarsulm wurr 771 eerstmals in en Oorkunn nöömt un kreeg um 1300 dat Stadtrecht. 1484 keem de Stadt an den Düütschen Ritterorden, de 300 Johr dor herrschen dee. De fröher hööftsächlich van den Wienbau präägt Stadt hett sück af dat laat 19. Johrhunnert to en Industriestadt entwickelt. Bekannt wurr se dör dat Ünnernehmen NSU, dat Mdden van de 1950er Johren de gröttste [[Tweerad]-Produzent van de Welt weer un to de sülvig Tiet grooden Spood in’n Motorrennsport harr. De NSU-Traditschoon wurrd dör dat Neckarsulmer Audi-Wark fortsett, dat mit över 14.000 Beschäftigten de gröttste Arbeitgever van de Stadt un de Region is. Wiederhen is de Stadt bekannt för de Zentrale van den gröttsten europääschen Hannelskonzern, de Schwarz-Gruppe, de de Levensmiddelhändler Lidl un Kaufland bedrifft.
