New General Catalogue
De New General Catalogue of Nebulae and Clusters of Stars ( Afk.: NGC; engelsch för „Nee Allgemeen Kataloog vun Nevels un Steernhopens“) is en astronoomschen Kataloog vun galaktische Objekten as planetaarsche oder diffuse Nevels, apenen un slatene Steernhopens un Galaxien.
De Kataloog
ännernDe New General Catalogue is in de 1880er Johren tosamenstellt un 1888 vun Johan Ludvig Emil Dreyer publizeert worrn. Grundlaag för den Kataloog weern vör allen Beobachten vun Wilhelm Herschel. In de Johren 1895 un 1908 sünd de beiden tosätzliche Index-Katalogen IC I un IC II dortokamen.
De NGC-Kataloog ümfaat 7840 Objekten, dorünner ok de meisten Objekten ut’n Messier-Kataloog. Man in’n Ünnerscheed to Messier sünd de Objekten in’n NGC na Rektaszension ordent. Wegen de groten Tall vun Indrääg is dat bi’t Tohopenstellen ok to en poor Fehlers kamen. To’n Bispeel sünd eenige Objekten mehrfack ünner verschedene Kataloogtallen opföhrt oder in een vun de Index-Katalogen noch mol wedder opnahmen worrn.
En ne’ere Faten vun den NGC is de Revised New General Catalogue (RNGC). De Kataloog warrt dör duersome Beobachten vun’t NGC/IC-Projekt wieter verfienert, man en echten Nafolger vun dissen Katalog tosamen mit sien Index-Katalogen gifft dat aver so nich. Vun’t fröhe 20. Johrhunnert an, weern Katalogen tomeist blots noch för enkelte Typen vun Objekten anleggt. Vör allen gifft dat en poor Galaxiekatlogen.
De NGC warrt geern vun Amateurastronomen bruukt, vunwegen dat he vele Objekten utwiesen deit, de ok mit lüttere Amateur-Teleskopen noch beobacht warrn künnt.
Kiek ok
ännernWeblenken
ännern
- A new general catalogue of nebulae and clusters of stars, being the catalogue of the late Sir John F.W. Herschel (engelsch)
- Vullstännige NGC- un Messier-Datenbank mit Berichten (Hochdüütsch)
- Interaktiv NGC-Kataloog (engelsch)