Nimzowitsch-Verteidigung

De Grundstellung vun de Nimzowitsch-Verteidigung nah 1. … Sb8-c6

Bi de Nimzowitsch-Verteidigung hannelt sück dat um en Schachanspeel. Se tellt to de Halfapen Spelen. Hör ECO-Code is B00.

De Grundstellung vun dit Anspeel entsteiht nah de Tüüg 1. e2-e4 Sb8-c6

As fakenste un togliek starkste Fortsetten is nu 2. d2-d4 anzutreffen, wiels nah 2. Sg1-f3 e7-e5 dör Toogumstellen de begäng Anspelen vun dat Königsspringerspeel reckt wurrn könnt.

Wiederhen kann ok 2. Sb1-c3 e7-e5 (Wiener Partie mit 2. … Sb8-c6) 3. Sg1-f3 (Dreespringerspeel) Sg8-f6 speelt wurrn. Diornah bütt sück 4. Lf1-b5 (Övergang in dat Veerspringerspeel, ECO C48), 4. Lf1-c4 (Övergang in dat Tweespringerspeel in' Nahtrecken mit 4. Sb1-c3, ECO C55) oder 4. d2-d4 an.

As ok de Nimzowitsch-Indische Verteidigung geiht disse Toogfolg up Aaron Nimzowitsch torüch, en Weltklassespeler vun dat fröh 20. Johrhunnert. Anners as dat indische System vun Nimzowitsch, dat to'n Standardrepertoire vun völ Top-Speler hörrn deiht, is de Nimzowitsch-Verteidigung up Grootmeesterniveau oder gor in dat Schach vun de hüüdig Weltspitz so goot as nie antodrapen.

Literatur ännern

  • Harald Keilhack, Rainer Schlenker: 1... Sc6! aus allen Lagen. Kania, 2003, ISBN 3-931192-01-6