Northern Spy
Northern Spy (so völ as Utkieker vun Norden) is en Appelsort.
Disse Sort wurr um 1800 in East Bloomfield (New York) in den USA as Tofallssamling opdeckt.
De Appels sünd groot, afstumpt rundlich un meest wat ungliekmatig baut. De glatt, fettig un licht glänzende Schill is mit völ, düchtig lütt bruun Huutpunkten besett. De Deckfarv is root bit karminroot, de Grundfarv is grööngeel wesselt nahderhen aber meest nah geel. Dat Fruchtfleesch is geelwitt, saftig mit en renettenordig Würze. De Appels riepen bannig laat, sünd af Januar geneetriep un hollen sück bit in’ Mai. De Sort kann sowohl as Tafelappel, as ok to’n Kaaken un Backen oder för Saft bruukt wurrn.
De Bööm vun disse Sort kommt eerst laat to dragen, sünd kräftig in’ Wuss, neegen aber to Alternanz.
De Appel is en Öllernsort vun den Ontarioappel, de anner Krüüzenspartner weer Wagenerappel. Ok in de Ünnerlagentüchten wurr de Northern Spy bruukt, so is he de faken för Spalierbööm bruukt Ünnerlaag MM106 ut de Krüüzen M1 × Northern Spy entstahn.
Literatur
ännern- Willi Votteler: Verzeichnis der Apfel- und Birnensorten, Obst- und Gartenbauverlag, München 1993, ISBN 3-87596-086-6
