Nowy Sącz
| Wapen/Flagg | Koort | |
|---|---|---|
|
|
| |
| Basisdaten | ||
| ||
| Flach: | 57 km² | |
| Inwahners: | 84.463 (Dezember 2005) | |
| Inwahnerdicht: | 1.481,8 Inwahners pro km² | |
| Hööchd: | 290 m över de See | |
| Postleettall: | 33-300 | |
| Vörwahl: | 18 | |
| Geograafsche Laag: | Koordinaten:49° 22′ N, 20° 25′ O49° 22′ N, 20° 25′ O | |
| Öörd in de Gemeen: | 7 | |
| Börgermeester: | Ryszard Nowak | |
| Websteed: | www.nowysacz.pl | |
.svg)
Nowy Sącz ('nɔvɨ 'sɔnʧ, hoochdüütsch Neu Sandez) is ene poolsche Stadt in de Provinz Lüttpolen mit mehr as 84.000 Inwahners. De Stadt liggt in 290 m Hööch in en Daal an de Münnen vun de Kamienica in den Dohnst (Dunajec), in'n Noorden vun de Sandezer Beskiden (Beskid Sądecki). För de Kuntreien dor umto is de Stadt en Zentrum för Industrie un Deenstleisten.
Historie
ännernDe Oort is anleggt wurrn vun König Wenzel II. vun Böhmen in dat Johr 1292. Stadtrechten hett he in't 14. Johrhunnert vun Władysław IV. kregen. Kasimir de Grote vun Polen hett de Stadt denn besunners ünner de Arms grepen. So güng dat mit ehr fix bargup. Man 1611 hett dat enen forchterlichen Brand geven. Dor is meist de ganze Stadt bi to Dutt gahn. Later hefft ok Süken un Kriegen dor to bidragen, dat dat mit de Stadt nich so recht wat weern wull. Vun 1772 af an höör se to de öösterrieksch-ungaarsche Provinz Galizien. 1918 is se wedder na Polen kamen. In den eersten Weltkrieg hett in Neu-Sandez för en korte Tiet dat Hööftkommando vun de düütschen un öösterriekschen Truppen för düssen Afsnitt vun de Oostfront legen. Vun 1975 bit 1998 weer Nowy Sącz de Hööftstadt vun de Woiwodschop Nowy Sącz.
Wat een sik ankieken kann
ännernOoltstadt, Margarethenkark, Stadtmuseum, Hilliggeistkark, Ole Synagoge, de Överresten vun dat Slott.
De Stadt ehr Söhns un Döchter
ännern- Carl Menger (1840-1921), öösterrieksch Ökonom
- Arthur Berson (1859-1942), düütsch Meteoroloog un Ballonfahrer
- Dawid Janczyk (*1987), poolsch Footballspeler
- Józef Oleksy (*1946), poolsch Ministerpräsident 1995-1996
Lüde, de sünst noch wat mit de Stadt to doon hefft
ännern- Emanuel Ringelblum (1900-1944), poolsch-jöödsch Historiker, Politiker, Pädagoog un Publizist, hett hier siene Jöögd tobröcht