Oberschool

De Begreep Oberschool warrt för en ganze Reeg verschedene Schooltypen bruukt, de to de wiederföhrenden Scholen oder de Högere Bildung tellt.

Düütschland

in de Tied von’n Natschonalsozialismus sünd von 1937 bet 1945 de Oberrealscholen un de Realgymnasien in’t ganze Düütsche Riek „Oberscholen“ nöömt worrn un gellen, jüst as annere Gymnasien, as högere Lehranstalten, de to dat Abitur föhrt.
in Westdüütschland na 1945 as Sammelbegreep för de wiederföhrenden Scholen von de Sekundarstufe I: Gymnasium, Realschool, Hauptschool. So warrt dat Woord bet vondaag in Berlin bruukt.
in Düütschland na 1987 warrt de Utdruck ‚Oberschool‘ na Bundsland verscheden för besünnere Schoolformen bruukt:
- Oberschool (Baden-Württemberg) – en Inrichtung von’n tweten Bildungsweg
- Beroopliche Oberschool Bayern (BOB) – siet 2008
- Oberschool (Brannenborg) – siet 2005 as en Regionale School för de Klassen 7 bet 10
- Oberschool (Bremen) – siet 2010 all Sekundarscholen, de nich as Gymnasium betekent warrt
- Oberschool (Neddersassen) – siet 2011 tohoopfaat ut Haupt- un Realschool, deelwies mit en Gymnasialtwieg bet to de 10. Klass
- Oberschool (Sassen) – siet 2013 is de Middelschool in Sassen to de Oberschool wiederentwickelt worrn.
in de DDR hebbt bet 1959 all de högeren Lehranstalten, de na dat Abitur föhrt hebbt, Oberschool heten, na 1959 hebbt de denn Erweiterte Oberschool (EOS) heten
in de DDR na 1959 weer de Polytechnische Oberschool (POS) denn de Eenheitsschool mit teihn Klassen

In Öösterriek sünd de Oberscholen de Allgemeenbildende Högere School (AHS) – mehrstendeels Gymnasien – un de Beroopsbildende Högere School (BHS), jüst as en Reeg annere Sünnerformen.

In de Swiez warrt de ünnerste Stufe von de Oberstufenschool ‚Oberschool‘ nöömt.