Ocko I. tom Brok
Ocko I. tom Brok (de Broke; * um 1345; † 7. August 1391) weer as Nahfolger vun sien Vader Keno I. tom Brok Hööftling vun dat Brokmer- un dat Auerkerland in Oostfreesland.[1]
Nah de Överleeferung hull he sück in de 1370er Johren in Italien up un wurr dor, nahdem he sien Kriegs- und Hoffdeensten afleist harr, dör Königin Johanna I. vun Neapel to‘n Ridder slahn. Nah de Dood vun sien Vader 1376 keem Ocko etwa 1378 in sien Heimat torüch. Nah swoor Kämpen tegen Folkmar Allena hett he eerstmals meest dat gesamte Oostfreesland ünner sien Landsherrschap vereenigt. 1391 wurr he dicht bi sien Auerker Borg ümbrocht.
Ocko I. tom Brok weer mit Foelke Kampana vun Hint (in‘ Volksmund Quade Foelke nömmt) verheiraadt. Ut disse Ehe stammen:
- Keno II. tom Brok (verheiraadt mit Adda Idzinga vun Nörden),
- Tetta tom Brok (verheiraadt mit Sibrand vun Loquard),
- Ocka tom Brok (verheiraadt mit Lütet Attena vun Dornm un Ness),
- Ailt tom Brok (jung storv).[1]
Öldst, aber illegitimer Söhn weer Widzeld tom Brok, († 25. April 1399), de sien Vader nah de sien Ermordung in de Hööftlingsfunktschoon nahfolg.
Enkeld Nahwiesen
ännern- ↑ a b Eggerik Beninga: Historie van Oost-Frieslant (Emden 1723)