Odiel Van Den Meersschaut
Odiel Van Den Meersschaut (* 25. Dezember 1919 in Melsen; † 16. März 1993 in Gent) weer en belgisch Radrennfohrer.
Odiel Van Den Meersschaut weer Profi-Radrennfohrer van 1938 bit 1952. In disse Tiet hett he rund 60 so nömmt „Kirmesrennen“ in Belgien wunnen. Sien gröttste Spood weer woll de Gewinn vun de belgisch Straatenmeesterschap 1940. In dat Johr 1945 wurr he noch mal Viezmeester achter Rik Van Steenbergen. Van Den Meerschauut weer aber nich blots up de Straat goot. 1947 belegg he den darten Platz bi de Belgisch Meesterschap in't Querfeldein-Rennen un 1948 keem he up den tweeten Platz.
Van den Meersschaut is Anfang vun de 1950er Johren ok as Bahnradsportler aktiv ween un is twalvmal bi Sössdaagrennen antreden. Dorbi kunn he 1950 dat Rennen in München gemeensam mit Camille Dekuysscher winnen.
Nah dat Enn' vun sien Loopbahn hett Odiel Van Den Meersschaut, wegen sien hell Hoorfaarv „de Witte“ nömmt, in Ronse en Geschäft för elektroonsch Huusholtswaren führt.
Literatur
ännern- Herman Laitem, Jozef Hamels: De Tricolore Trui. 1882–2007. 125 Jaar Belgische Kampioenschappen. Pinguin Productions u. a., Balegem u. a. 2008, ISBN 978-90-73322-21-9, S. 101f.