Olga Gennadjewna Wiluchina

Olga Gennadjewna Wiluchina (russisch: Ольга Геннадьевна Вилухина; * 22. März 1988 in Meschgorje, Baschkirische ASSR, UdSSR) is en russisch Biathletin.

Olga Wiluchina

Werdegang

Olga Wiluchina löppt för den Zentralen Sportklub vun de Armee. Se leep 2006 in Presque Isle hör eerst Junioren-Weltmeesterschap in‘ Biathlon. In dat Eenzel keem se woll blots up den 28. Platz, wunn aber in de övrig Rennen en kumpletten Medaillensatz. In‘ Sprint wunn se den Titel, in de Verfolgung keem se up den darten Platz un wunn mit de Staffel de Sülvermedaille. Nich ganz so spoodriek weer de Junioren-WM een Jahr later in Martell. Wiluchina wunn weer Staffelsülver un leep ok in de anner dree Rennen jewiels ünner de best 15, best Ergevnis weer Platz 9 in dat Verfolgungsrennen. Bi de Junioren-Europameesterschap in Bansko keem se immer ünner de best Teihn, reck aber blots mit de Staffel de Goldmedaille. Ok 2008 un 2009 wunn se weer Medaillen bi Junioren-Weltmeesterschapen. Bi de Junioren-Europameesterschap 2009 to Huus in Ufa is Wiluchina in alle veer Rennen antreeden un wunn all veer Titel.

Wegen hör good Ergevnisse wurr Wiluchina för de letzte Statschoon vun den Weltcup 2008/09 in Chanty-Mansijsk nomineert un leep unverwacht in hör eerst Rennen up den sössten Platz. Dormit weer se ok best Russin in dit Rennen. Bi de Europameesterschapen 2010 in Otepää wunn Wiluchina as Startlöperin mit Jekaterina Jurlowa, Jekaterina Glasyrina un Jekaterina Schumilowa de Bronzemedaille in‘ Staffelwettbewarf un keem in dat Eenzel up Rang 15.

Dornah keem se eerst weer in de Saison 2010/11 to Weltcup-Insätzen un reck bi veer Insätzen noch Rang 66 in de Gesamtwertung. Siet de Saison 2011/12 hörr se to den russischen Stamm för den Weltcup. Hör best Eenzelergvnis in de Saison weer Rang 6 bi en Sprint in Hochfilzen. Dor wunn se mit en Mixed-Staffel ok hör eerst Weltcup-Rennen, en wiedere Sieg in de Fruenstaffel folg in Oberhof. De bit dorhen gröttste Erfolg gelung hör mit den Gewinn vun de Bronzemedaille in de Verfolgung bi de WM in Ruhpolding achter Darja Domratschawa un Magdalena Neuner. In den Gesamtweltcup keem se up Rang 11 un in‘ Sprintweltcup up Rang 7.

In de Saison 2012/13 reck se twee Podestplätze un keem an dat Enn‘ vun de Saison up Rang 12 in der Gesamtwertung un up Rang 7 in den Verfolgungsweltcup. Bi de Biathlon-Weltmeesterschapen 2013 keem se ok to’n Insatz. Hör best Ergevnis weer dor aber in‘ Sprint up Rang 5 un Rang 10 in‘ Eenzel. Staffelmedaillen hett se dorbi nich wunnen.

2013/14 keem se up Platz 5 in den Gesamt-Weltcup, reck aber blots een Podestplatz bi dat Verfolgungsrennen in Oslo. In‘ Sprint und Verfolgungsweltcup keem se jewiels up den 4. Rang un in‘ Massenstartweltcup up Rang 5. Bi de Olympisch Winterspelen 2014 wunn se de Sülvermedaille in‘ Sprint achter Anastasiya Kuzmina aber vör Wita Semerenko. In de Verfolgung kunn se disse Platzeeren nich hollen un full up Rang 7 torüch. De tweet Sülvermedaille wunn se denn mit de Fruen-Staffel. Mit de Mixed-Staffel verpass se mit Platz 4 en wiedere Medaille. De nahfolgend Saison keem se nich to’n Insatz, ok wenn se noch to’n russischen Kader hörrn dee. In de Saison 2015/16 keem se noch in den IBU-Cup to en paar Rennen.

2017 wurr se dör dat Internatschonale Olympische Komitee (IOC) wegen Doping levenslang för Olympisch Spelen sparrt. Utlööst wurr de Sparr dör den so nömmt McLaren-Bericht. Die erhollen olympisch Medaillen wurrn aferkannt.

Weblenken

• Olga Wiluchina up de Sieden vun de Internationale Biathlon-Union (engelsch)
• Persönliche Websteed (russisch)
• Profil up www.biathlon.com.ua (engelsch/russisch)