Ommen

Stadt in de Nedderlannen

Ommen is ene Stadt in de Gemeen Ommen in de Provinz Oaveriessel in de Nedderlannen. Dor läwen 8.511 Minschen (1. Januar 2008). Ommen höört to't Salland un liggt 20 km in den Ossen vun de Provinzhööftstadt Zwolle, as ook 35 km in den Noordossen vun de Stadt Dèventer. In Ommen warrt Sallands snackt. In de Stadt stahn dree Möhlen. Üm 4 km in den Süüdossen vun de Stadt befinn't sick de Borg Eerde. De annere Öörd in de Gemeen sünd Lemele, Beerzerveld, Vilsteren, Witharen, Varsen, Stegerveld, Arriën, Ommerschaans, Vinkenbuurt, Beerze, Zeesse, Bestem, Eerde, Arriërveld, Gietem, Stegeren, Archem, Junne, Dalmsholte, Hoogengraven un Nijebrug.

Historie ännern

Üm 1150 warr ene Kark boot. De Oort warr üm ene Kark boot, de dat öllste Bowark vun de Stadt is un in’t 16. Johrhunnert calvinistsch warr. Ommen warr 1215 un 1227 vun den Rööver Rudolf van Coevorden plünnert. De Oort kreeg 1284 vun Bischop Otto III. vun Utrecht de Stadt- un Festenrechten. Somit weer Ommen de drütte Oort in Oaveriessel, de de Stadtrechten kreeg. Ommen weer Liddmaat vun de Hanse. In disse Region geev dat, bit circa 1500, wichtige Hansestäder, so as Kampen, Zwolle un Dèventer. Se harrn mit Bijsteden nöömde Städer Kontakt. Ommen weer mit Asselt un annere Städer ene vun Dèventer. De eerste Brüch över de Vecht warr 1492 boot. 1522 warr de Stadt vun Zwoller Börger in Brand sett un plünnert. 1753 warr en nee’t Roothuus boot, de bit 1828 bruukt warr. 1810 warr de Mairie Ommen bill’t. 1818 warr de Mairie in de Stad Ommen, dat Ambt Ommen un Avereest deelt. Vun 1851 geev dat den sülven Börgermeester för de Stadt un’t Ambt. Bet to’n Anfang vun’t 20. Johrhunnert harr Ommen ene Zentrumsfunkschoon. 1923 warrn de Stad un’t Ambt Ommen ene Gemeen.