One Penny Black
One Penny Black is de eerste Breefmark van de Welt un is in Grootbritannien an 1. Mai 1840 entstahn. Sie wurrd ok blots Penny Black nömmt. De Naam kummt van de Nominalweert van de Breefmark (1 Penny) un wiels se mit swart Farv druckt wurrn is. Bruken kunn man de Breefmark af den 6. Mai 1840.
Die Mark hett keen Zacken un wiest dat Profil van Königin Victoria. In de bövere Rand steiht dat Woort "POSTAGE", an de ünnere Rand de Nominalweert "ONE PENNY". Een Lännerbeteken, so as hüdtodag, hebbt se nich nommen, wiels dat domols nich notwennig weer - dat geev ja blots disse een Mark. De britisch Marken hebbt aber bit vandag kien Lännernaams, man hebbt blots immer dat Profil van dat jeweilige Staatsböverhööft, to Tiet also Königin Elisabeth II. De Bookstaven in de linke un rechte ünnere Eck geevt de Positschoon (Reeg/Spalt) van de Breefmark in de Druckbogen an.
De Inföhren van Breefmarken weer een Deel van de Postreform van Rowland Hill, de dat nu mögelk maken de, de Breef van de Afsender betallen to laten.
Literatur
ännern- Andreas Hahn (Hrsg.): Die Erfindung der Briefmarke (Text up Düütsch un Engelsch), Museumsstiftung für Post und Telekommunikation 2008, in Tosommenarbeit mit de FgGB (Forschungsgemeinschaft Großbritannien e.V.), 126 Sieden, ISBN 978-3-9808448-9-5
- Traugott Haefeli-Meylan: Die Entstehung der Briefmarke und ihre weltweite Verbreitung, Mondo-Verlag, Lausanne 1985, 167 Seiten
- Leon N. Williams: Encyclopaedia of Rare and Famous Stamps, Band 1: The Stories. Feldman, Genf 1993, ISBN 0-89192-435-3, S. 91 ff
- Das Penny-Porto-System und die ersten Briefmarken. In: Sammler Express, Utgaav Nr. 9/1990, Sieden 322 bit 324 un Nr. 10/1990 Sieden 350 bit 352
- Anthony G. Rigo de Righi: The Story of the Penny Black and its Contemporaries. National Postal Museum, London 1980, ISBN 0-9500018-7-2, 56 S.
