Hauptmenü öffnen

De Ooldsass’sche Genesis is blangen den Heliand dat twete grote ooldsassische Dichtwark ut dat 9. Johrhunnert. De Genesis is üm un bi 840 in Langregen mit Staffriemels schreven worrn. Dat is de Geschicht von dat 1. Book Mose vertellt as Riemwark mit Stilelemente ut dat germaansche Heldendichtwark.

Vondaag sünd von de Genesis man dree Stücken mit alltohoop 337 Regen nableven. De staht tohoop mit en Stück ut den Heliand in en komputistische Handschrift ut Mainz von dat 9. Johrhunnert. Dat de Genesis mit den Heliand tohoophängt, wiest ok de Steed in de latiensche Vörreed to’n Heliand, de seggt, dat König Ludwig den sassischen Dichter den Opdrag geven harr, uetus ac nouum Testamentum in Germanicam linguam poetice transferre („dat ole un ne’e Testament dichterisch in de germaansche Spraak to översetten“). De ooldengelsche Genesis (B) is en ooldengelsch Översetten von de ooldsass’sche Genesis.

  • Fragment I: Na’n Sünnenfall
  • Fragment II: Na’n Moord an Abel
  • Fragment III: De Ünnergang von Sodom

LiteraturÄnnern

  • Burkhard Taeger, Artikel Altsächsische Genesis, in: Verfasserlexikon, Bd. 1 (1978), Sp. 313-317.

WeblenkenÄnnern