Oostbrügg Heckthusen

Brügg von de Bundsstraat 73 över de Oost bi Heckthusen

De Oostbrügg Heckthusen is en Brügg in Heckthusen över de Oost (bi Stroomkilometer 30,7).

Luftbild von Heckthusen mit de Oostbrügg in de Midd

Över de Brügg löppt de Bundsstraat 73, de von Cuxhoben na Hamborg geiht un hier twüschen Heckthusen in’n Landkreis Cuxhoben un Burweg in’n Landkreis Stood liggt. Dichtbi liggt ok de Iesenbahnbrügg Heckthusen, över de de Nedderelvbahn över de Oost geiht.

De Dörföhrhöögd bi MThw is 4,90 m, bi MTnw 6,80 m un de Dörföhrbreed twüschen de Pielers is 42 m.[1]

De eerste Brügg in Heckthusen hett dat för korte Tied 1659 geven, as de Sweden in de Swedentied en Schippbrügg ut 14 Evers anleggt hebbt.[2] Dat hett aver nich lang duurt un na disse Tied hett Heckthusen denn jümmer en Prahmfähr hatt. Dat weer toletzt en önnig Nadelöhr för den Verkehr. De hüdige Brügg is 1935 trech worrn.

An dat Enn von’n Tweten Weltkrieg, an’n 3. Mai 1945, sünd Truppen von dat brietsche Guards Armoured Division von Burweg ut op Heckthusen vörrückt. De düütschen Truppen hebbt denn versöcht, de beiden Brüggen över de Oost to sprengen. Dat hett bi de Iesenbahnbrügg klappt, aver de Stratenbrügg is stahn bleven.[3]

De Brügg is nu al düchtig in de Johren kamen un dat Tempo is ut Sekerheitsgrünn op 50 km/h dalsett. Dat is plaant, dat bet 2020 en ne’e Brügg boot warrn schall.[4]

Footnoten ännern

  1. Die Oste - Informationen für Wassersportler
  2. Dietrich Alsdorf, hechthausen-aktuell.de: Einen Taler für eine Leiche
  3. gemeinde-hechthausen.de: Kriegsende 1945
  4. Cuxhavener Nachrichten: Sanierung der Ostequerung zwecklos. 7. Dezember 2011

Weblenken ännern

  Oostbrügg Heckthusen. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 38′ N, 9° 15′ O