OpenStreetMap (OSM) is en free Projekt, üm Geodaten to sammeln, de free to bruken sünd. De Inholt steiht ünner de Open Database License.

Logo von OpenStreetMap
De Standard-Koort op OpenStreetMap.org

De Daten warrt von Freewillige indragen, de sik dorto bi dat Projekt anmellen köönt. De Daten stammt ut Sammlungen, de apentlich togänglich un nich kommerziell sünd oder de von de Freewilligen sülvs tohoopdragen worrn sünd (to’n Bispeel mit en GPS-Apaaraat).

Drüdde dröfft de Daten för egen Projekte bruken. Blangen dat Herstellen von Koorten is dormit to’n Bispeel ok dat Herstellen von Rutenplaners mööglich.

Historie ännern

Dat Projekt is in’n Juli 2004 von Steve Coast in London grünnt worrn. In’n April 2006 hett sik de OpenStreetMap Foundation billt, üm dat Projekt to verwalten un Spennen för den Bedriev to sammeln.

Weblenken ännern

  OpenStreetMap. Mehr Biller, Videos oder Audiodateien to’t Thema gifft dat bi Wikimedia Commons.