Osred I.

Osred I. (* 696; † 716) weer vun 705 bit to sien Dood in dat Johr 716 König vun de Angelsassen ehr Königriek Northumbria.

Osred weer König Aldfrith sien Söhn. As de 704 storven is, weer he avers noch en Kind. Dor hett eerst mal Eadwulf den Throon an sik reten. Toeerst hett düsse Eadwulf ok den Bischop vun York mit Naam Wilfrid achter sik harrt. Man dat duer nich lang, denn is Wilfrid na Osred övergahn. In de Slacht vun Bamburh is Eadwulf unnerkregen wurrn un doot bleven.

Mit negen Johren is Osred nu sien Nafolger ween. Wilfrid hett nu as so en Aaart vun Vadder achter em stahn. As de Arzbischop vun Canterbury in dat Johr 706 en Synood an den Stroom Nydd tohopenropen dö, is noch mol fastlöegt wurrn, dat Wilfrid de Northumbriers ehren Bischop vun Hexham un ok Abt vun Ripon blieven scholl. Man he weer al oold un is 709 storven. Lang hett de junge Osred nich mehr alleen regeert. Na de Angelsassische Krönk is he 716 in ene Slacht bi Manau Gododdin umkamen, wohrschienlich in'n Krieg gegen de Pikten. John Fordun meent avers, sien Nafolger Coenred harr em an'e Siet maakt.

Literatur

• N. J. Higham: The Kingdom of Northumbria AD 350-1100. Stroud: Sutton, 1993. ISBN 978-0-86299-730-4