Otto Carl Heidborn (* 1855; † 11. Januar 1908 in Liebenstein, Döringen) weer en düütschen Verwaltungsbeamten.

Heidborn is 1855 as Söhn von den Speelkoortenfabrikant Ludwig Heidborn ut Stralsund boren un hett Juristeree studeert. He is 1887 Regerungsassesser worrn un 1893 Regerungsraad in Mönster.

He is 1894 as Nafolger von Ernst Schepp Landraad von’n Kreis Neehuus worrn un dat bet 1905 bleven. Sien Nafolger weer Georg Freiherr von Schröder. 1905 is he as Regerungsraad na Danzig gahn un weer 1907 Böverregerungsraad in Düsseldörp.