Hauptmenü öffnen

Ottomar Haxsen (* 27. Oktober 1898 in Fleest; † 19. September 1972 in Bremerhoben) weer en düütschen Politiker von de DP un later de CDU.

Haxsen is 1898 in Fleest boren. He weer op de Volksschool, denn op de Oberrealschool un de Ackerboschool. Na de School hett he en Lehr in de Bueree maakt. 1930 is he as Buur sülvstännig worrn. He is 1945 Maat von’n Gemeenraad in Wersermünn worrn un 1946 Afornten in’n Kreisdag von’n Landkreis Wersermünn.

Von’n 20. April 1947 bet 20. Juni 1970 (eerste bet sösste Wahlperiood) weer he Liddmaat von’n Landdag von Neddersassen. He is för den Wahlkreis Wersermünn in’n Landdag intagen. Blots in de 4. Wahlperiood hett em in sien Wahlkreis Robert Fiedler von de SPD slahn un Haxsen is över de Landslist in dat Parlament intagen.He weer in’n Landdag von’n 26. September 1955 bet 5. Mai 1959 Vörsitter von’n Utschuss för Ernährung un Bueree. Toeerst hett he in’n Landdag von’n 28. März 1951 bet 5. Mai 1959 to de DP/CDU-Frakschoon höört. Bet to’n 28. März 1962 weer he denn in de DP-Frakschoon un na dissen Dag in de CDU-Frakschoon.

EhrenÄnnern