PHP

PHP is en Skriptsproak, mit en an C anlohnte Syntax, de tomeist to’t Opstellen vun dynamische Websieten bruukt ward. PHP is Open-Source.

PHP teegnet sick vör allem dordör ut, dat man dat lich lehrn kann. So as de breede Datenbankünnerstütten und dat dat vele Funkschoonsbibliotheeken gifft. Dat gifft to’n Biespill, Bibliotheeken üm Biller un Grafiken dynamisch to genereeren.

Geschicht

PHP wur’ 1995 vun Rasmus Lerdorf entwickelt. De Begreep stunn dormals noch för Personal Home Page Tools und weer eegentlich as Ersatz för en Sammeln ut Perl-Skripten dacht, de Lerdorf schreven hett, üm de Togrepen op sien Online-Levensloop to Protokolleeren. Bald möök he aver en Ümsetten in C. Dorin ward PHP ok hüüt noch entwickelt. Dat publizeerte PHP/FI (FI stunn för Form Interpreter), weer Perl bannig gliek. Wenn ok lütter un eenfacher.

PHP 3 wur’ vun Andi Gutmans un Zeev Suraski nee schreven, vun wegen dat se de Menen weern, dat dat intwischen ruut kaamene PHP/FI 2 nich goot weer för E-Commerce. Ok de Bedüden vun de Afkörten PHP wurd dor bi ännert. Lerdorf hett mit Gutmans un Suraski tosamenarbeit, un so wur’ de Entwickeln vun PHP/FI instellt. Liekers dat PHP 3 för’n professchonellen Insatz noch nich noog Funkschonen hatt hett un noch swack weer, keem de Verbreeden vun PHP dor mit goot vöran. De vun Gutmans un Suraski grünnte Zend Technologies Ltd. entwickel denn de Zend Engine 1, wat de Karn vun de PHP 4 Standartimplementeeren is. Mit PHP 4 wur' de Utföörgeschwinnigkeit vun komplexen Applikationen un de Sicherheit bii de Benutzung vun globale Variablen verbetert. Inföhrt wur’ de Ünnerstüten för wietere Nettserver, dat Sessionmanagement, de Utgaavpuffern, as ok ne’e Spraakkonstrukte.

As dat World Wide Web an’t Enn vun de 1990er Johren stark wussen is, bestunn en grode Bedarf an Skriptspraaken, mit de sik dynamische Websteden ümsetten laat. PHP wur’ för de Webentwickeln mit de Tiet mehr nütt, as de ole Stannart Perl, wiel dat, dör de Spezialiseeren lichter to lehrn weer.

Allgemeen

PHP is en System, bi dat PHP-Kood op’n Server utföhrt ward. Dat bedüüdt, dat de Quelltext nich an’n Browser övermiddelt ward, man an en Interpreter op den Webserver - in’t Gegendeel to Javascript, dat vun den Browser interpreteert ward. Erst de Utgaav vun den PHP-Interpreter ward an den Browser schickt. In de meisten Fäll is dat en HTML-Dokument, dat is aver ok mööglich annere Dateien, as Biller oder PDF-Dokumenten to genereeren.

Üm en PHP-Datei bi en Webanwennen uttoföhren, bruukt man en System, dat mit de in de Datei borgen Anwiesen umgahn kann. Ut dissen Grund ward dör en Snittsteed de Interpreter vun en Server-Deenst utföhrt. De Kombinatschoon ut Linux/Windows as Bedriefssystem, Apache as Webserver, MySQL as Datenbanksystem un PHP ward LAMP oder WAMP nöömt. Fardige LAMP- un WAMP-Paketen, de dat unnöödige Laaden un Konfigureeren vun Paketen ut dat Nett unnödig maaken, warn ünner annerm in dat Projekt XAMPP entwickelt, wobi dat intwischen Versionen för Linux, Solaris, Windows un Mac OS X gifft.