Panhard & Levassor 28 / 35 CV

De Panhard & Levassor 28 / 35 CV weer en Pkw-Modell vun 1910 dat bit 1915 baut wurrr. Hersteller weer Panhard & Levassor ut Frankriek.

Beschrieven

6 Zylinder Motor vun Panhard & Levassor um 1913

De Sösszylindermotor hett 100 mm Bohrung, 140 mm Hub un 6597 cm³ Hubruum. He weer dormals in Frankriek mit 28 Cheval fiscal (Stüer-PS) instuuft. De Motorleistung is mit 35 PS angeven. As völ anner Fohrtüüch ut disse Tiet hett dat en fast Fohrgestell, Frontmotor, Kettenandriev un Achterradandriev. De Kettenandriev wurr bi Panhard & Levassor all 1913 to’n Utloopmodell un is blots noch bi dissen 28/35 CV insett wurrn. Bi de leistungsswakere Modellen wurr all immer en Kardanwell insett. Dat Gedriev harr veer Gänge.

De Radstand bedrocht 3110 mm un de Spoorwiet bedrocht 1445 mm. De Reifen harrn en Grött vun 935 x 135.

Bekannt sünd Upbauten as Torpedo. De Pries för dat 28/35 CV Fahrzeug leeg bi 16.000 bis 18.000 Francs in de Grundutstattung mit Bereifung. Dat Leergewicht vun 1160 kg (kört Karosserie) bit 1180 kg (lang Karosserie) wurr ahn Bereifung angeven. Bi den Torpedo geevdat en kört Karosse mit 2400 mm Längt bi 900 mm Breedt un en lang Karosserie mit 2700 mm Längt bi 900 mm Breedt.

Dat Typenprogramm harr Panhard & Levassor 1913 tegenöver de Vörjohren düütlich strafft. So geev dat 2013 veer Motoren mit Ventilstüerung mit 10,12,24 un 28 CV un dree Motoren mit Knight Schuuverstüerung mit 15,20 un 30 CV. As Karosserievarianten stunnen Landaulet, Landaulet mit Torpedoutführung, tweesittige Limousinen, veersittige Limousinen, Torpedo un Coupévarianten to Verfügung. As tosätzliche Utführung kunn man en Leeferfohrtüüch bestellen.

Produktschonstallen 28/35 CV

Gesamtproduktschoon 59 Fohrtüüch vun 1910 bit 1915

Johr	1910	1911	1912	1913	1914	1915	Summe
	19	29	5	3	2	1	59