Pardelbeek
| Pardelbeek | |
|---|---|
| Laag | Landkreis Horborg |
| Stroomsystem | Elv |
| Afströömrebeed | 10,3[1] km² |
| Born | bi Makensbrook |
| Münn | bi Hullnst in de Eest |
| Water je Sekunn | 1,02[2] m³/s |
| linke Blangenströöm | Heidbeek |
De Pardelbeek is en 2,96 Kilometer langen[3] Beek in’n Landkreis Horborg, de von links in de Eest münnt.
De Born von’n Pardelbeek liggt in’n Süüdwesten von Makensbrook op dat Rebeed von de Gemeen Heidenau. Von dor flütt de Beek na Noordoosten un is to dree Fischdieken opstaut. In’n Noordoosten von Makensbrook nimmt de Pardelbeek von links den Heidbeek op, de sien Born bi Holtörp hett. De Pardelbeek münnt denn in’n Süden von Hullnst in de Eest.
Dat Water in de Eest flütt wieder in de Elv un de Noordsee.
De ganze Loop von’n Beek liggt dicht bi de Autobahn 1.
Sien Naam hett de Beek von de Pardelmuscheln, de dor fröher in leevt hebbt.
Footnoten ännern
- ↑ Gewässergütebericht ELBE 2000 Niedersachsen.
- ↑ Ermittlung der natürlichen Überschwemmungsgrenzen für ein HQ100 für den Oberlauf der Este bis zur Wehranlage in Buxtehude.
- ↑ Wasserkörperdatenblatt 2012.
Koordinaten:53° 21′ N, 9° 43′ O