Paschalis I. (Paapst)

Paschalis I. (hebräisch-greeksch-latiensch der Österliche; * Ostern in Rom; † 11. Februar 824 ok dor) weer vun 817 bit 824 Paapst as Nahfolger vun Stephan IV.. De Abt vun St. Stephan (Rom) wurr an’ 25. Januar 817 wählt un kreeg vun Kaiser Ludwig de Fromme de all mit sien Vörgänger uthannelt Garantie vun de Sülvständigkeit vun de Karkenstaat un der free Paapstwahl.

Paschalis I. up en Mosaik vun de Basilika Santa Prassede, 9. Johrhunnert

Paapst Paschalis weer en wesentlich Förderer vun de Missionierung Noordeuropas. He hett 823 Lothar I. to’n Kaiser vun dat Frankenriek salbt.

De in Rom wegen sien parteiisch un schroff Regeeren unbeliebt Paapst wurr nah sien Dood in de vun hüm wedder upricht Kark Santa Prassede bestatt, wiel dat Volk en Grafflegung in St. Peter verhinner. Nahderhenn wurr he aber vun Eugen II. in en Kapelle vun de vatikaansch Basilika överführt. De Zenon-Kapelle in de Basilika Santa Prassede harr he mögelkerwies as Grafflege för sien Moder Teodora Episcopa errichten laten.

Dat Patronatsfest vun de hillig spraken Paschalis is an’ 14. Mai. Kathoolsch Gedenkdag is de 11. Februar.

Vörgänger Amt Nafolger
Stephan IV. Paapst
817 -824
Eugen II.

Weblenken ännern