Wikipedia

Patty Schnyder

Patty Schnyder [[ˈʃniːdər]] (* 14. Dezember 1978 in Basel) is en ehmalge Swiezer Tennisspelerin.

Loopbahn ännern

Patty Schnyder is in Bottmingen in‘ Kanton Basel-Landschaft upwussen. Se fung all fröh mit den Tennissport an un nehm an dat Upbauprogramm för Tennistalente deel. Van 1994 bit 2011 speel se up de WTA Tour, in Sömmer 2015 fung hör Comeback up den ITF Women’s Circuit an.

In hör eerst Profijohren reck Schnyder mit hör dormalig Trainer Eric van Harpen all Platz 11 vun de Tennis-Weltranglist. 1998 full se up Platz 37 torüch. In hör letzt Karriereafsnitt wurr se vun hör dormalig Ehemann Rainer Hofmann betrüet.

Tüschen 1996 un 2011 hett Schnyder för de Swiezer Fed-Cup-Mannschap insgesamt 72 Partien bestreeden, vun de se 50 wunnen un 22 verloren hett. 2004 truck se bi de Australian Open bit in dat Halffinale in. In‘ November 2005 reck se mit Platz 7 hör hööchste Weltranglistenpositschoon. In den folgen Johren keem se bi Grand-Slam-Turnieren nich mehr över dat Veertelfinale herut. In’t Düppel weer hör best Platzeeren up de Weltranglist Platz 15 (Juni 2005)

Nah en Eerstrunnennedderlaag gegen Kateryna Bondarenko bi de French Open 2009, hett Schnyder seggt, dat se laatstens in dat Fröhjohr 2010 torüchtreeden wull.[1] Ungeacht dessen hett se hör Karriere fortsett un reck noch tweemal en Endspeel, an‘ 11. Juli 2010 bi dat WTA-Turnier vun Budapest as ok in‘ Oktober 2010 bi dat WTA-Turnier vun Linz. Nahdem se 2011 bi de French Open weer in de eerste Runn rutfloog, hett se hör Rückträe verklort.[2]

2015 weer Patty Schnyder Trainerin an‘ Bundsstüttpunkt vun den DTB in Hannover.[3] Todem is se in de 2. Tennis-Bundsliga för den Tweetligisten Braunschweiger THC antreeden.[4]

In‘ Sömmer 2015 geev se hör Comeback up den ITF Pro Circuit. Hör eerst Partie an‘ 22. Juli 2015 bi en $25'000-Turnier in Darmstadt verlor se gegen Sofiya Kovalets.[5] Bi hör dart Upträe reck se de Veertelfinals, bevör se in Prag bi en $10'000-Event den Turniersieg schaff.[6][7] 2017 wunn se twee wiedere ITF-Titel.

1996, 2004 und 2008 hett se an Olympisch Sömmerspelen deelnommen, aber kien Medaille reckt.

Siet 2016 kommenteert Schnyder Fed-Cup-Begegnungen vun de Swiez för dat Swiezer Feernsehn SRF.

Turniersiege ännern

Eenzel ännern

Nr. Datum Turnier Kategorie Belag Finalgegnerin Ergevnis
1. 17. Januar 1998 Hobart WTA Tier IV Hartplatz Dominique van Roost 6:3, 6:2
2. 22. Februar 1998 Hannover WTA Tier II Teppich (Hall) Jana Novotná 6:0, 2:6, 7:5
3. 23. Mai 1998 Madrid WTA Tier III Sand Dominique van Roost 3:6, 6:4, 6:0
4. 12. Juli 1998 Maria Lankowitz WTA Tier IV Sand Gala León García 6:2, 4:6, 6:3
5. 19. Juli 1998 Palermo WTA Tier IV Sand Barbara Schett 6:1, 5:7, 6:2
6. 9. Januar 1999 Gold Coast WTA Tier III Hartplatz Mary Pierce 4:6, 7:6, 6:2
7. 11. November 2001 Pattaya WTA Tier V Hartplatz Henrieta Nagyová 6:0, 6:4
8. 20. Oktober 2002 Zürich WTA Tier I Hartplatz (Hall) Lindsay Davenport 6:75, 7:68, 6:3
9. 8. Januar 2005 Gold Coast WTA Tier III Hartplatz Samantha Stosur 1:6, 6:3, 7:5
10. 24. Juli 2005 Cincinnati WTA Tier III Hartplatz Akiko Morigami 6:4, 6:0
11. 14. September 2008 Bali WTA Tier III Hartplatz Tamira Paszek 6:3, 6:0

Düppel ännern

Nr. Datum Turnier Kategorie Belag Partnerin Finalgegnerinnen Ergevnis
1. 3. Mai 1998 Hamborg WTA Tier II Sand Barbara Schett Martina Hingis
Jana Novotná 		7:63, 3:6, 6:3
2. 17. Februar 2002 Antwerpen WTA Tier II Teppich (Hall) Magdalena Maleewa Nathalie Dechy
Meilen Tu 		6:3, 7:63, 6:3
3. 9. Februar 2003 Paris WTA Tier II Teppich (Hall) Barbara Schett Marion Bartoli
Stéphanie Cohen-Aloro 		2:6, 6:2, 7:65
4. 15. Februar 2004 Paris WTA Tier II Teppich (Hall) Barbara Schett Silvia Farina Elia
Francesca Schiavone 		6:3, 6:2
5. 5. Oktober 2008 Stuttgart WTA Tier II Hartplatz (Hall) Anna-Lena Grönefeld Květa Peschke
Rennae Stubbs 		6:2, 6:4

Weblenken ännern

  Patty Schnyder. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. ↑ Aber ich trete nicht sofort zurück, Basler Zeitung, 29. Mai 2009, Siet 36.
  2. ↑ [1] Patty Schnyder tritt zurück; news.ch van‘ 28. Mai 2011, afropen an den sülvigen Dag
  3. ↑ ntv-tennis.de/sport/tennisbase/trainerteam
  4. ↑ In der zweiten Liga angekommen
  5. ↑ [2] $25,000 Darmstadt, afropen an‘ 22. Juli 2015
  6. ↑ [3] $10,000 Oldenzaal(NL), afropen an‘ 8. September 2015
  7. ↑ [http://www.itftennis.com/procircuit/tournaments/women's-tournament/info.aspx?tournamentid=1100035074 |titel=$10,000 Prag (CZ)|zugriff=2015-09-08}}
Vun „https://nds.wikipedia.org/w/index.php?title=Patty_Schnyder&oldid=923955“