Paul Eduard Waldraff

Paul Eduard Waldraff (* 16. Juli 1870 in Wurzach; † 2. Juni 1917 in Waschwilischki) weer en düütsch Grafiker, de bi de Rieksdruckeree in Berlin beschäftigt weer. Berühmtheit kreeg sien Entwurf vun de Germania-Breefmarkenserie, de tüschen 1900 un 1922 in dat Düütsch Riek in Gebruuk weer.

Originalskizze vun Paul Eduard Waldraff to de Gestaltung vun de Germania-Mark. Bi de tosätzlich afbildt Breefmark hannelt sück dat um Michel-Nummer 56b van 1900.

Studeert hett he in Stuttgart un kreeg ansluutend en Anstellung bi de Rieksdruckeree in Berlin. Dor hett he ok de Banknoten to 5 un 100 Mark entworfen, in dat Grundmuster vun de Geldschiens sünd de Initialen „PW“ to erkennen. Anner Arbeiten vun hüm sünd in' Jugendstil hollen. 1908 kreeg he den Dürerpries.

Eenig Tiet vör Utbröök vun den Eersten Weltkrieges verlor he sien Anstellung bi de Rieksdruckeree. Wiels den Krieg keem he as Landsturmmann to en Versörgungseenheit nah Litauen. Wiels en Heimaturlaub Anfang 1917 hett he sien langjohrig Leevste heiraadt. In' Mai 1917 wurr he in't Feld an en Lungenentzündung krank un is doran an' 2. Juni 1917 in dat Feldlazarett 24 storven. He wurr up den Suldatenkarkhoff in Pranzjuny bisett.

Literatur

• Heinz Hillmer: Ein Bild ging um die Welt – 75 Jahre Germania-Briefmarke, in Archiv für deutsche Postgeschichte, Hrsg.: DGPT, Heft 1/1975, S. 96–106.

Weblenken

Paul Eduard Waldraff. Mehr Biller, Videos oder Audiodateien to’t Thema gifft dat bi Wikimedia Commons.