Paul Schockemöhle (* 22. März 1945 in Steenfeld, Neddersassen) is en ehmalger düütsch Springrieder un jetzt Ünnernehmer.

Paul Schockemöhle (2013)
Paul Schockemöhle (2012)

Wat he in‘ Sport schafft hett ännern

Paul Schockemöhle is Anfang vun de 1980er Johren sien ölleren Bröer Alwin Schockemöhle as en vun de best Springrieder vun de Welt nahfolgt. He wurr 1981, 1983 un 1985, mit sien spoodriekst Peerd Deister, dreemal nahnanner Europameester. Dat hett sonst noch nümms schafft. Ok bi Olympisch Sömmerspelen un tallriek Pries vun de Natschonen kunn he Siege fiern un Medaillen winnen.

Schockemöhle as Ünnernehmer ännern

All 1966, lang Tiet bevör he as Springrieder Spood harr, fung Schockemöhle an, sien Logistikünnernehmen uptobauen, dat bit hüüd to de spoodriekst privat Speditschoonsünnernehmen in Düütschland tellt.

1989 grünn he, gemeensam mit den dormaligen Managaer vun Boris Becker, Ion Ţiriac, en anner spoodriek Ünnernehmen: de Firma PST-Marketing to de Vermarktung vun internatschonal un natschonal Sportveranstaltungen.

Tosommen mit Ullrich Kasselmann veranstalt he de Performance Sale International Auktionen (P.S.I.-Auktionen); Veranstaltungen, up de hoochtalenteert jung Peer verstiegert wurrn.

Ok in den agrarindustriellen Ünnernehmensberiek betätigt he sück in de (Eierproduktschoon in Legebatterien). Nah Informatschonen vun de Grupp Tierrecht aktiv is he an en Konsortium bedeeligt, dat 1996 de Legebatterien vun den Ünnernehmer Anton Pohlmann övernommen hett.[1]

Spood as Tüchter ännern

Up sien Gestüt in Mühlen hett he wiedere spoodriek Springpeer formt, de Olympisch Medaillen un up internatschonal Wettstrieden mit Rieders as den Iren Eddie Macken, Otto Becker, Franke Sloothaak, Dirk Hafemeister un Olympiasieger Ludger Beerbaum Spood harrn. So stammen to’n Bispeel de Olympiasieger Orchidee, The Freak un Walzerkönig ut sien Stall.

Mit Gestüt Lewitz hett Paul Schockemöhle en vun de gröttst Zentren vun de Peertucht schafft. Up ca. 3000 Hektar wurrd all tosommen ca. 3000 Peer hollen, jedes Johr kommt etwa 500 Fohlen up de Welt.[2] Dorbi wurrd ünner annern de umstreeden Methode vun den Embryotransfer insett.

Totilas ännern

Enn‘ 2010 sörg Schockemöhle för Slagzeilen, a he de ünner Edward Gal so spoodrieken Hingst Totilas för en schätzten Verkoopspries van 10 bit 15 Million Euro köfft hett.[3]

Kritik ännern

In de Kritik keem Schockemöhle 1990, wiel he dör dat so nömmt Barren sien Peer to höhgere un wieder Sprünge över de Hinnernisse andreev. Dat bi Springpeer all immer praktizeert Barren wurr nah en an‘ 11. Juli 1990 in de Sendung „Stern TV“ utstrahlten Bericht allgemeen ächt un tomindst offiziell ut de Trainingsplääns vun de düütsch Rieders streeken. Man hett aber nahderhen noch faststellt, dat in den Stall vun Paul Schockemöhle wiederhenn Peer barrt wurrn sünd.

Siet Midden vun de 1990er Johren hebbt Finanzbehörden wegen Stüernachtertrecken tegen Schockemöhle ermittelt. 1996 wurr he wegen Stüernachtertrecken to elf Maand Gefängnis up Bewährung veroordeelt un muss 22,6 Million Mark Stüern nahbetahlen.[4]

Spood as Rieder ännern

  • 1974 Gewinn vun de eerst vun all tosommen söss Düütsch Meesterschapen
  • Dreemal wunn he de Grooten Pries vun Aaken mit Talisman, El Paso un Deister
  • Dreemal wunn he dat British Springderby in Hickstead (Deister 2x, Lorenzo 1x)
  • Olympisch Spelen
    • 1976 in Montreal: Bronzemedaille Mannschap, Eenzelwertung 36. up Agent
    • 1984 in Los Angeles: Bronzemedaille Mannschap, Eenzelwertung 7. up Deister
  • Europameesterschap
  • dreemal in Reeg Europameester vun de Springrieder
    • 1981 in München: Goldmedaille Mannschap, Goldmedaille Eenzel up Deister
    • 1983 in Hickstead: Goldmedaille Eenzel up Deister
    • 1985 in Dinard: Bronzemedaille Mannschap, Goldmedaille Eenzel up Deister
  • Weltmeesterschap
  • 20 Johren lang weer he in den düütschen Championats-Kader
  • 12 Johr lang ahn Ünnerbreeken ünner de Top-Ten vun de Weltranglist

Weblenken ännern

Enkeld Nahwiesen ännern

  1. Polizei durchsucht Hühnerställe - Artikel up Tierrecht aktiv
  2. http://www.equi-news.de/?p=2252, Equi-News.de - Happy Birthday, Paul Schockemöhle!, verapenlicht 24. Mai 2011
  3. Jahrhundertpferd - Hengst Totilas zu reiten, ist teuer und heikel (2010)
  4. Prominente Steuersünder