Paul Trede

Dit Woort hett noch annere Bedüden: kiek dorför ünner Paul Trede (Schauspeler).

Paul Trede (* 19. August 1829 in Brookdörp; † 29. Juni 1908 in Bremen) weer en plattdüütschen Schriever.

Trede is 1829 in Brookdörp in de Wilstermasch boren. He güng in Arensee na School un weer denn Schriftsetter. He weer ok Suldot in’n Sleswig-Holsteenschen Krieg 1848 bet 1851. Vun 1855 af an leev he as Korrektor un Kasserer bi de Bookdruckeree Pfingsten in Itzehoe. He weer mit de Englännerin Grace Morton verheiradt un harr twee Deerns. Blangenbi arbeidt he ok noch as Översetter un harr en Poppeergeschäft in Itzehoe. 1893 is sien Fro doodbleven un 1898 geev he de Arbeit bi Pfingsten op. He is denn mit sien een Dochter un’n Swiegersöhn na Hannober ümtagen un 1902 na Bremen. Dor is he denn 1908 doodbleven.

1894 kreeg he den Kronenorden 4. Klass un keem dormit ok in’n Ridderstand. In Brookdörp heet hüüt ene Straat na em.

Warken

• Klaas vun Brochdörp. Zwei plattdeutsche Gedichte in der Wilstermarsch-Mundart. Fritz Schubert, Hamborg 1856.
• Abel. En Plattdütsch Stückchen merrn ut de Marsch un merrn ut’t Leben. H. Lühr & Dircks, Garn 1880
• Grüne Blätter. Gesammelte Dichtungen. H. Lühr & Dircks, Garn 1881
• Lena Ellerbrok. En plattdütsch Stückschen ut ole Tiden. H. Lühr & Dircks, Garn 1884
• Engelsch un Plattdütsch is eendohnt. En plattdütsch Lustspill in 1 Act. H. Lühr & Dircks, Garn 1889
• Brochdorper Lüd. Allerhand plattdütsche Stückschens. H. Lühr & Dircks, Garn 1890
• Johann Meyer. Pfingsten, Itzehoe ca. 1906
• Ut Brochdörp. H. Lühr & Dircks, Garn 1920
• Paul Trede. Ausgewählte Werke 1849 -1908. Wachholtz, Niemünster 1998, ISBN 978-3529049576
• Der Tornister war mein Schreibtisch. 2002, ISBN 978-3880422902

Weblenken

• Paul Trede in de PBuB (hoochdüütsch)