Paulien van Deutekom
Paulien van Deutekom (* 4. Februar 1981 in Den Haag; † 2. Januar 2019)) weer en nedderlannsch Allround-Iesflinklöperin.
Paulien van Deutekom geev 2005 hör Debüt in den Weltcup. Een vun hör best Platzeeren weer en dart Platz över 500 m in‘ Januar 2006. Ebenfalls as groot Erfolg tellt de sösste Platz in den Gesamtweltcup över de 1500-Meter-Streck in hör eerst Saison. Bi de Olympisch Winterspelen 2006 in Turin is se över de 1500 m an den Start gahn un keem dor up Platz 13.
2007 bi de Eenzelstrecken WM wunn se mit de nedderlannsch Staffel de Sülvermedaille un kemm över 1500 Meter up Platz 5 un över 300 Meter up den sössten Platz. Bi de Mehrkampeuropameesterschap 2008 wunn se de Sülvermedaille achter Ireen Wüst, bi de Sprintweltmeesterschap in dat glieker Johr in Heerenveen reck se den 12. Platz.
2008 wurr van Deutekom unverwacht Weltmeesterin in‘ Iesflinklopp-Mehrkamp, wat denn ok de gröttste Spood in hör Loopbahn weer. Dat Johr 2008 weer ahnhen bannig good för hör, wunn se doch ok noch bi de Eenzel-WM in Nagano noch wiedere dree Medaillen, in‘ Teamloop mit Renate Groenewold un Ireen Wüst de Goldmedaille un över 1500 m as ok över 3000 Meter de Sülvermedaille. Över 1000 Meter reck se Platz 5 un över 5000 Meter Platz 6. 2012 hett se hör Loopbahn afslooten.
Se is Anfang Januar 2019 an Lungenkrebs storven.