Pauline Strauss-de Ahna

Pauline Maria Strauss-de Ahna (* 4. Februar 1863 in Ingolstadt; † 13. Mai 1950 in Garmisch-Partenkirchen) weer en Sopranistin un Ehefru vun de Komponist Richard Strauss.

Pauline Strauss-de Ahna

Leven

Pauline de Ahna weer de Dochter vun den bayerischen Armeegeneral Adolf de Ahna un de Berliner Hoffopernsingerin Eleonore de Ahna. 1887 hett se den Kapellmeester Richard Strauss kennen lehrt, de se as Schölerin an de Weimarer Hoffoper folgt is. 1890 geev de Ahna hör Debüt as Sopranistin. An’ 10. September 1894 hett se in de Borgkark St. Veit in Marquartstein Richard Strauss heiraadt. Pauline Strauss-de Ahna is dorna aber widerhenn as Singerin uptreden. Se gull as hervörragend Interpretin vun sien Leeder, un Strauss geev faken Konzerte tosommen mit sien Frau. Hör wat burschikoos Oort un Wies weer bi Früenden vun dat Huss legendär. Strauss sülvst hett hör in de Figur vun de „Christine“ in de autobiografisch Oper Intermezzo en leevfull Denkmal sett. Dat Ehepaar hett eerst in München leevt un siet 1898 in Berlin, wo Pauline de Ahna 1906 hör Berop as Singerin upgeven hett. 1908 sünd se in en Villa in Garmisch trucken. 1918 sünd se nah Wien översiedelt, 1945 nah Baden in’ Aargau, denn nah Ouchy un dornah nah Montreux. 1949 sünd se denn weer nah Garmisch-Partenkirchen torüchgahn, wo se beid kört nahnanner storven sünd.

Dat Ehepaar Strauss harr den gemeensamen Söhn Franz Strauss (1897–1980).

Literatur

• Pauline Strauss-de Ahna in de Katalog vun de Deutsche Nationalbibliothek
• Walter Deppisch (Rutgever): Richard Strauss: In Selbstzeugnissen und Bilddokumenten., Rowohlt Verlag, 1984 ISBN 3499501465