Hauptmenü öffnen
Kohnke (rechts) bi Olympia 1960 (links Enrico Forcella)

Peter Kohnke (* 9. Oktober 1941 in Königsbarg; † 3. April 1975 in Bremervöör) weer en düütschen Sportschützen.

Kohnke is 1941 in Königsbarg boren un keem 1945 as Verdrevenen mit siene Öllern na Bremervöör. He is Maat von de Schützensellschop Bremervöör worrn un hett dor tohoop mit Bernd Klingner traineert. Na en Lehr as Technischen Teekner hett Kohnke studeert und is Boinschenör worrn.

Kohnke is mit 16 in Moskau Juniorenweltmeester in’n Kleenkaliber-Dreestellungskampf worrn. 1959 weer he in Mailand Viezeuropameester bi’t Scheten in’t Liggen mit dat Kleenkalibergewehr. Mit 18 hett he bi de Olympschen Spelen 1960 in Rom de olympsche Goldmedallje bi’t Scheten in’t Liggen wunnen. Mit 590 Ringen harr he een Ring Vörsprung op den US-Amerikaner James Hill. As Klingner bi de Olympschen Spelen 1968 in’n Dreestellungskampf wunnen hett, weer ok Kohnke mit in’t Finaal. He hett mit söss Ringen Trüggstand op Klingner den söventen Platz maakt.

He is 1975 bi en Verkehrsunfall doodbleven.

LiteraturÄnnern

  • Volker Kluge: Olympische Sommerspiele. Die Chronik II. Berlin 1998 ISBN 3-328-00740-7
  • Nationales Olympisches Komitee für Deutschland: Mexiko 1968. Unsere Mannschaft. Frankfurt 1968

WeblenkenÄnnern

  Peter Kohnke. Mehr Biller, Videos oder Audiodateien to’t Thema gifft dat bi Wikimedia Commons.