Peter Miles

Peter Miles (* 29. September 1980 in Entebbe) is en ugandschen Reggae- un Dancehall-Musiker.

Miles weer op de Lake-Vic-Grundschool, de Buddo-Junior-Grundschool, de Bugema-Secondary-School, de St.-Lawrence-Senior-Secondary-School för sien O-Level-Afsluss un op de Kabojja-Senior-Secondary-School för sien A-Level-Afsluss. He hett op de Makerere-Universität en Bachelor in Tourismus un Floogreiseverkehr maakt.

Anfungen mit de Musik hett he 1996 mit de Grupp Propaganda Crew. Dor weer ok al Menshan mit bi, mit den he hüüt ok noch optreden deit. Dat eerste Leed opnahmen hett he 2002 mit Nakutaka. Singen deit he op Luganda, Suaheli un Engelsch.

He weer en poor Maal för den PAM-Pries un den Kisima-Pries nomineert un hett se ok all beid al wunnen. Den PAM-Pries ünner annern 2006 för den besten Reggae-Musiker.