Pierre Littbarski

Pierre Michael Littbarski (* 16. April 1960 in Berlin) is en ehmalger düütsch Footballspeler un -trainer.

Sien Speelpositschoon weer dat offensiv Middelfeld. In de Jöögd speel Littbarski van 1967 bit 1976 för VfL Schöneberg un wessel denn bit 1978 to Hertha 03 Zehlendorf. Van 1978 bit 1986 speel he för den 1. FC Köln, wo hüm de Dörbröök to’n Natschonalspeler gelung. In de Saison 1986/87 speel he in Frankriek bi Racing Club Paris, kehr dornah aber to’n 1. FC Köln torüch un bleev dor bit 1993. Van 1993 bit 1995 speel he för JEF United in Japan un 1996 as Spelertrainer för Brummell Sendai. He hett in 406 Bundsligaspelen 116 mal in’t Door drapen.

Nah sien aktiv Loopbahn weer he Trainer bi Yokohama FC, Bayer 04 Leverkusen, MSV Duisburg, Sydney FC, Avispa Fukuoka, Saipa Teheran, FC Vaduz un VfL Wolfsburg.

För de düütsch Natschonalmannschap hett he in de Johren 1981 bit 1990 insgesamt 73 Lännerspelen maakt un dorbi 18 Doren schaaten. He speel bi de Football-Europameesterschapen 1984 un 1988 un bi de Football-Weltmeesterschapen 1982, 1986 un sluutend 1990, wo he denn ok Weltmeester wurr.

Borns

• Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8