Hauptmenü öffnen

Piotr Morawski (* 27. Dezember 1976; † 8. April 2009 an’ Dhaulagiri) weer en poolsch Extrembargstieger. Sien gröttste Leistung weer, dat he in dat Johr 2005 tosommen mit Simone Moro as eerst in’n Winter op de Shishapangma stegen is. He ist storven, as he up ruch weg 5760 Meter Hööcht an’ Dhaulagiri in en Gletscherspalt stört is.[1][2]

8000er BestiegungenÄnnern

Alltohoop is Morawski söss Mal op Achtduusender ropstegen.[3] He weer fakener Bargpartner vun Peter Hamor un Piotr Pustelnik. De „Three Peters“ hebbt faken versöcht över wenig begahn oder nee Routen up de hööchste Bargen to kommen.

Nah den Shishapangma is he in dat Johr 2006 ok noch up de Cho Oyu, de Broad Peak un up de oostern Tipp vun de Annapurna wesen. An’ Broad Peak hett he eerst den Bargstieger Sepp Bachmair, den Klauterpartner vun Markus Kronthaler rett, bevör he twee Daag later sülvst bet baven op den Barg ropstegen is. En Johr later is he över de Diamir-Siet den Nanga Parbat rop. In dat Johr 2008 is he över de Gasherbrum I wegstegen un up den Gasherbrum II upstegen.[4][5]

Enkeld NahwiesenÄnnern