Plumöhlen

Wapen/Flagg	Koort
Basisdaten
Bundsland: Neddersassen Landkreis: Horborg Gemeen: Seevdaal
Inwahners:
Postleettall:	21218
Vörwahl:	04105
Geograafsche Laag:	53° 23′ N, 10° 0′ O

Plumöhlen (hoochdüütsch Plumühlen) is en lütten Oort in de Gemeen Seevdaal in’n Landkreis Horborg, Neddersassen. De Oort höört polietsch al von öllers bi Lindhost mit bi.

Geografie

Plumöhlen liggt so 400 Meter in’n Westen von de Seev. Dichtbi münnt de Lindhoster Graven in de Seev.

De Naveröörd sünd Karoxbossel in’n Noorden, Maschen-Dörp in’n Noordoosten, Maschen-Heid in’n Oosten, Host in’n Süüdoosten, Helmsdörp un Lindhost in’n Süüdwesten un Hittfeld in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.

De Oort is as Deel von de Gemeen Lindhost an’n 1. Juli 1972 mit de Gemeenreform in Neddersassen an de Gemeen Seevdaal kamen.

Inwahnertall

Johr	Inwahners
1793-00-001793	1 Füürsteed
1824-00-001824	1 Füürsteed
1848-00-001848	10 Lüüd, 2 Hüüs
1871-12-011. Dezember 1871	20 Lüüd, 2 Hüüs

Religion

Plumöhlen is evangeelsch-luthersch präägt un höört to dat Kaspel von de Mauritius-Kark in Hittfeld.

För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. Toeerst hett de Oort to de Karkengemeen St. Petrus in Bookholt tohöört. De St.-Ansgar-Kark is 1964 boot worrn un hett bet 1978 noch to de Parree Bookholt höört. To’n 1. April 1978 is St. Altfrid in Mäkelfeld egenstännige Parree un Hittfeld Filialkark worrn.

Weertschop un Infrastruktur

Verkehr

Plumöhlen liggt direkt an dat Hoster Dreeeck, in dat sik de Autobahn 1 un de Autobahn 7 drapen doot. De nächste Opfohrt is de Opfohrt 41 Hittfeld op de A 1, de so twee Kilometer in’n Westen von Plumöhlen liggt.

Över Lindhost is Plumöhlen verbunnen mit de Kreisstraat 77, de in’n Noordoosten na Hittfeld un Maschen geiht. In’n Westen löppt de K 77 na de Landsstraat 213, de denn in’n Noorden na Horborg geiht un in’n Süden över Helmsdörp un Harmsdörp na Jesborg.

De nächste Bahnhoff is so bi fiev Kilometer wied weg in’n Noordwesten de Bahnhoff Hittfeld an de Bahnlien Hamborg–Bremen.

Literatur

• Wilhelm Marquardt: Chronik der Dörfer in der Gemeinde Seevetal. Lindhorst. Seevdaal 1990