Portal:Wikinews/Ümfraag vun dat INS löppt an

22. August 2007: Nadem dat Institut för nedderdüütsche Spraak Anfang vun dissen Maand bekannt geven hett, dat se en ne’e Ümfraag starten wüllt, ruttokriegen, woveel Lüüd hüdigendaags noch Platt snacken doot, is disse Ümfraag nu mit dat Enn vun de Ferientiet anlopen. Tohoop mit dat Marktforschungs-Institut Ipsos doot dat INS nu Lüüd in acht Bundslänner anropen, wat se woll Plattdüütsch snacken deen un wat se vun de Spraak hollen deen. Wat dor nu bi rutkummt, dat schall helpen, rutkriegen, wat dat Goodkennen vun de plattdüütsche Spraak dör de Europääsche Sprakencharta al wat hulpen hett un wo dat noodwennig is, dat noch wat för de Spraak daan warrt.